Matiu 21:5 - Buka Blahi Ka Cheke Holo

⁵ “Cheke ka naiknodi Jerusalem, ‘Filo si ghotilo nomi King ghotilo na la mei ka ghotilo. Mana nhaꞌa faparini thegna la saghe ka dongki na. Mana saghe ka sua dongki na.’ ”

Matiu 21:5 ပူးပေါင်းရင်းမြစ်များ

Profet Isaia 62:11

Lord ne cheke eghu ka naikno te gnafa ka nauthoglu igne, “Cheke ranghidi naikno te gnafa te au Jerusalem: ‘Filo si ghotilo! Nomi Fakarhai ghotilo ia la mei! Eghuteuna mana ginauna atha mei balugna naikno te namhadi fara teke uludihi mana re.’ ”

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Profet Hosia 1:7

Nu iara ginauna kokhonidi naiknodi Juda igre mala toghodi. Iara nodi Lord God mare, eghuteuna iara ginauna fakarhidi. Theome ka naflahi, ka phaloho, ka jata, ba ka hose. Theo. Nu iara Lord, God mae ihei te au nolaghi fateote'o, iara ginauna fakarhidi.”

Profet Isaia 40:9

Ghotilo naiknomi Saion ra! Ghotilo haghe ka thogele biꞌo gro, mala toutonuni nonomho te keli na. Ghotilo naiknomi Jerusalem ra thosei mhaghu te mala ehani nonomho te keli igne. Ghotilo tei cheke eghu ka namono biꞌo Juda, “Filo si ghotilo! Noda God tahati na la meihi gognarona!”

Profet Esikiel 37:24

“ ‘Iara ginauna vahini kaisei mae ka vikegna nogu mae gloku iara King Devet mala kaisei mae king biꞌo, eghuteuna mana ginauna reireghi fakelidi mare jateula mae ihei te reireghi fakelidi nogna sipu ra eghu. Eghuteuna mare ginauna leghu fakelidi nogu vetula nei nogu cheke teu iara re.

Profet Esikiel 34:24

Eghuteuna iara Lord ginauna nodi God mare, eghuteuna nogu mae gloku iara ka vikegna Devet igne ginauna king mala funei frunidi mare. Iara Lord te chekeni igne!

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Matiu 2:6

“ ‘Ghotilo naiknomi Betlehem, te au ka Provins Judia. Kaisei mae ka ghotilo mana ginauna na kaisei mae mala baubatudi naiknogna Israel jateula kaisei mae greireghi sipu te batudi nogna sipura eghu. Eghume, nomi namono ikoi ghotilo igne ginauna na kaisei namono ulu tulao ka Provins Judia.’ ”

Matiu 2:2

Mare ne ghusna eghu, “Ne karha aheva si mae sua nalhaꞌu te mala nomi mae King ghotilo mae Jiu grea? Ghehati ne filoni nogna nathunu mana te haghe ke maghati. Eghume, ghehati mei mala pogho soru ranghini mana.”

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Fapea Korin 10:1

Keha naikno ka ghotilo cheke eghu, “Kate au teu delei na mae Pol gne cheke faheta fara ka tahati, nu kate mei agne na mana mhaghu te cheke fabiꞌo na!” Fanomho ka iara. Uve, Kraes na mae keli, eghuteuna mana theome ghosei diꞌatagna. Iara leghuni puhigna mana na. Eghume te chekeni iara ka ghotilo na,

Nodi Khoje Hatimare Mae Jiu 9:14

Eghume iara gne ginauna kegra haghe ke uludi naiknore ka namono Jerusalem mala toutonudi gobigna lepo teke edi iagho ra. Iara ginauna na eha balu glealeꞌa ka iagho naugna iagho neke fakarhi ghau iara.

Ululahu Kings 10:26

Mae Solomon au kaisei thogha fati gobi chariot mala magra, nei nabotho phei thogha hose maladi mae armi. Kehare mana lilisei Jerusalem, eghuteuna kehare au ka keha namono Israel.

Ululahu Kings 1:33

mana ne cheke eghu ka mare, “Ghotilo hata keha mae biꞌo mala reireghini mana, eghuteuna ghotilo cheke ka thugu iara Solomon mala gnokro ka nogu dongki iara na. Eghuteuna ghotilo hatani mana soru ka glokha khoꞌu Gihon.

Fapea Samuel 16:2

Aonu king ne ghusna eghu ka mae Siba, “Mala unha si glepo hata te mei iagho igrea?” Mana ne cheke eghu, “King, phei dongki igre mala saghe thumu iagho gre. Eghuteuna bret, grep nei fig teu igre mala ghamu nou mae gloku iagho igre, eghuteuna waen igre mala koꞌu mare ka namono nagou, ba ka vido te babaꞌo te magnahaghei khoꞌu.”

Jajis 12:14

eghuteuna mana au phiatutu thugna nalhaꞌu nei tolufulu gragna. Eghuteuna naugna te mae lida mare na, mare te gnafa na mare saghe ka dongki. Abdon batudi naiknodi Israel nabagna nhana finogha,

Jajis 5:10

“Fanomho ka igne ghotilo mae iheire te saghe ka famane dongki vegha ra, nei ghotilo mae dedei te gnokro kolho ra, nei ghotilo mae iheire te nolo tafri kolho ra, ghotilo te gnafa na kafe ghaoghatho fakeli.

Diutronomi 17:16

Eghuteuna king igne theome mala au kmana hose ka nogna armi na, ba kurudi keha mae mala ke pulo Ijep mala foli hose. Naugna Lord neke chekehi mala thosei ke pulo ghotilo Ijep.

Naba 24:19

Mae te king ka vikegna mae Jekob igne ginauna goigonidi nei felehedi eghu naikno te karha nga teu ka namono biꞌo Ir.”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Matiu 21:6

Phei mae fanomho igre ne leghuni unha te chekeni mae Jisas na ne hata ne mei dongki ghe thugnare ka mana. Phiamare ne lilisei nodi phokore ka thagrudi dongki ghe thugnare mala saghe mae Jisas.

Luku 24:27

Aonu mae Jisas ne funu rurutha fakeli ka phiamare gobigna lepo teke rioriso mare eigna thegna ka grioriso te blahi ra. Mana ne fufunu ka nogna grioriso mae Moses nei ka chekedi hatimare mae profet te gnafare.