Matiu 21:30 - Buka Blahi Ka Cheke Holo

³⁰ “Aonu mae kmagna na tei ne cheke eghu ka fapea thugna na, ‘Thuguo, gognarona iagho tei mala loku ka nogu nagare iara ia.’ Mae thugna na ne cheke eghu ka mae kmagna na, ‘Uve mama, iara na tei loku,’ nu mana ne theome tei loku.

Matiu 21:30 ပူးပေါင်းရင်းမြစ်များ

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Matiu 23:3

Eghume ghotilo mala famane leghudi unha te chekedi mare ka ghotilo re. Nu thosei leghudi ghotilo puhidi mare re eghu. Naugna mare thedi na theome leghudi kolho unha te farirhiudi ka ghotilo igre.

Matiu 21:29

Mae thugna na ne cheke eghu, ‘Mama, iara na theome tei.’ Nu ke leghu, mana tughu nagnafa neke tei.

Matiu 21:31

“Mae ihei ka phia mae sua igre te leghuni chekegna mae kmagna na?” Hatimare mae pris nei hatimare mae biꞌo teu gre ne cheke eghu ka mana, “Mae sua ke ulu gne.” Mae Jisas ne cheke eghu ka mare, “Tutuani fara, te chekeni iara ka ghotilo na. Hatimare mae te diꞌa te salo takis nei goro gaꞌase vine teu igre ginauna au ke lamnadi naikno te funei frunidi God igre ame ghotilo nga eghu.