Matiu 21:19 - Buka Blahi Ka Cheke Holo

¹⁹ Kate filoni kaisei gaju fig ka geri nabrou na, mana tei ne filo, eghuteuna theo kaisei sisi te au na, nu khogla khakla kolho. Mana ne cheke eghu ka gaju na, “Funu gognaro te haghe na iagho ginauna theo sisimu!” Aonu, gaju tuana ghosei ne brango soru.

Matiu 21:19 ပူးပေါင်းရင်းမြစ်များ

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Jone 15:6

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Luku 3:9

Nu gognaro God tarabana fate naikno jateula kaisei mae te au khila te mala kato soru gaju na la kulu auhi ka glathigna na. Eghume, mana ginauna na kato soru u gaju te theo sisi igre mala koko lao ka khaꞌaghi.”

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Nonomho Te Keli Teke Risoi Mae Mak 11:14

Mae Jisas ne cheke eghu ka gaju fig na, “Funu ka narane gognaro ao ghu te haghe na, theo kaisei naikno na teke ghamuni sisimu iagho na!” Mae fanomhore ne nomhini cheke mana igne.

Thakle 22:11

Eghume naikno te diꞌa puhidi gre, mare ginauna edi fabrahu glepo te diꞌa igre naugna narane te mala tughu nagnafa na la gnafahi. Jaola naikno te chara puhidire, mare ginauna jateula tuana eghu chara fabrahu. Nu naikno te doglo puhidire, mare ginauna au doglo fabrahu, eghuteuna naikno te au blahi puhidire, mare ginauna au blahi fabrahu.”

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Profet Isaia 5:2

Mana dokha koko thina te au ka glose igne mala joꞌu grep. Mana horo kaisei suga mala toetoe mala reireghi vido igne. Mana eni kaisei vido ka thina mala poji sisi grep. Eghuteuna mana ginauna rouronu sisi te keli, nu sisi te diꞌa kolho te thakle mei na.

Profet Jeremaea 8:13

“ ‘Lord ne cheke eghu, “Te chekeni iara na, iara ginauna atha nodi glepo te keli mae igre. Nodi grep nei fig teu mare igre ginauna theo fuꞌadi, eghuteuna khakladi gaju igre ginauna gnhagha soru. Gobigna lepo teke tufa iara ka mare ra, iara ginauna nake atha fapulo mala theo nafudi kolho mare.” ’ ”

Matiu 21:20

Mae fanomhore filoni igne ne jaglo nodi fara. Mare ne cheke eghu ka mana, “Ne faꞌunha site ghosei te brango soru gaju ignea?”

Nonomho Te Keli Teke Risoi Mae Mak 11:20

Hamerane ka keha narane na, mare neke mei sala'u ka nabrou tuana ne filoni gaju fig te lehe te posa ka glathigna na.