Matiu 21:17 - Buka Blahi Ka Cheke Holo

¹⁷ Aonu, mae Jisas jifla ne tei Betani ne thuru kaisei bongi jare.

Matiu 21:17 ပူးပေါင်းရင်းမြစ်များ

Jone 11:18

Nu Betani gne theome gaꞌu Jerusalem.

Jone 11:1

Kaisei mae te fogra biꞌo fara nanghagna na mae Lasaros. Mana au ka namono Betani baludi Meri ghe Mafa phei greghagnare.

Luku 24:50

Mae Jisas ne batu fajifladi nogna mae fanomhore Jerusalem ne tei thoke Betani. Jare mana ne ngafa haghe khamegnare ne fablahidi mare.

Nonomho Te Keli Teke Risoi Mae Mak 11:11

Mae Jisas thoke Jerusalem, ne tei ruma ka Sugablahi na. Eghuteuna mana ne filo tafri ka gobigna lepo te au lamna re. Mana theome au raugha nu neke tei Betani baludi nabotho phei nogna mae fanomhore naugna la namo romnohi.

Nonomho Te Keli Teke Risoi Mae Mak 11:19

Aonu, ka vido tela funu plulu hila naprai na, mae Jisas baludi nogna mae fanomhore ne jifla kokoni namono biꞌo na.

Matiu 16:4

Icho idomi! Ghotilo naikno gognaro gre thono diꞌa fara puhimire. Ghotilo magnahaghei te filoni kaisei fagaglana. Nu iara ginauna na theome fakakhana kaisei fagaglana ka ghotilo. Nu kaisei fagaglana tangomana te filoni ghotilo ginauna fagaglana teke eni God ranghini mae profet Jona tifa ia.” Gnafa tuna, mana jifla kokodi mare ne tei nogna.

Luku 19:29

Kate mei namo ka phei namono Betifes ghe Betani, rhegna thogele te kiloi Thogele Gaju Olivi, mana ne kurudi phei nogna mae fanomhore mala kulu ulu.

Luku 10:38

Kate tei mae Jisas baludi nogna mae fanomhore, mare mei ne posa ka kaisei namono aheva te au kaisei gaꞌase nanghagna na Mafa. Aonu naꞌa ne toreni mae Jisas mala tei ima ka sugagna na.

Nonomho Te Keli Teke Risoi Mae Mak 11:1

Kate mei te namo mare Jerusalem, mare mei ne filo fakasa ka phei namono Betifes ghe Betani te namo ka thogele te kiloi Thogele Gaju Olivi. Aonu, mae Jisas ne kurudi phei mae nogna mae fanomhore.

Nonomho Te Keli Teke Risoi Mae Mak 3:7

Aonu, mae Jisas jifla baludi nogna mae fanomhore ne tei ka Kholo Galili. Eghuteuna kmana naikno ne tei balugna mana. Naikno igre neke mei funudi Galili, Judia, Jerusalem, Idumia nei ka namono te au ka keha phile Kho'u Jordan, nei funudi ka nohi Taea nei Saedon. Naikno igre mei ka mae Jisas naugna mare nomhidihi thoutonu eidi gobigna lepo teke edi mana re.

Matiu 26:6

Mae Jisas au neu Betani ka sugagna mae Simon. Mae Simon gne neke leprosi tifa.

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Profet Jeremaea 6:8

Ghotilo naiknomi Jerusalem! Ghotilo fanomho mei ka nogu cheke iara igne! Na eghunu tei koko ghami iara eghu, eghuteuna nomi namono ghotilo igne ginauna krogha jateula namono nagou ra eghu na theo kaisei naikno te au tagna na.”

Nonomho Te Keli Teke Risoi Mae Mak 14:3

Ka narane tuana mae Jisas au neu Betani ka sugagna mae Simon, mae ihei teke thubu biꞌo tifa ka khabru te kiloni leprosi. Aonu, kate ghamu teu mare na, kaisei naikno biꞌo hata ne mei kaisei botol sedi te famane sisiri keligna nei biꞌo fara sileni gna na. Naikno biꞌo na tothora botol na ne toatofa ka pha'ugna mae Jisas na.