Matiu 21:11 - Buka Blahi Ka Cheke Holo

¹¹ Naiknore ne cheke eghu, “Jisas, profet gna Nasaret ka nohi Galili.”

Matiu 21:11 ပူးပေါင်းရင်းမြစ်များ

Jone 6:14

Kate filoni u kofubobhoi te eni mae Jisas igne naiknore ne cheke eghu, “Tutuani fara, igne ngala mae profet biꞌo mala mei ka nauthoglu gne teku ka nodi grioriso hatimare mae profet tifa ra!”

Jone 7:40

Keha naiknore nomhidi glepo te chekedi mae Jisas igre ne cheke eghu, “Tutuani fara, mae igne ngala thofno mae profet biꞌo te ofoni tahati na.”

Luku 7:16

Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Mae Khuru 7:37

“Mae Moses igne neke cheke eghu ka naiknodi Israel re, ‘God ginauna na fakegra ranghi ghami ghotilo kaisei mae profet jateula iara eghu.’

Jone 9:17

Hatimare mae Farasi gre neke fapea ghusna eghu ka mae teke dofu na, “Iagho te chekeni na mae igne ngala te fakelini dofumu na eghu, unha eghu iagho gaoghathomu themu na eigna mae igne?” Mana ne cheke eghu ka mare, “Iara gaoghathogu na mae igne kaisei mae profet.”

Jone 4:19

Gaꞌase na ne cheke eghu ka mana, “Mae biꞌo, iara ao la filo glani nigho nga, iagho kaisei mae profet!

Jone 1:21

Mare neke ghusna eghu ka mana, “Eghume mae ihei eghu sagho? Ba, iagho mae Elija?” Mana ne cheke eghu ka mare, “Theo, iara theome mae Elija.” Hatimare neke ghusna fapuloi ka mana, “Ba, iagho mae profet te ofoni teu ghehati gne?” Mae Jone ne cheke eghu ka mare, “Theo, iara theome mae profet tuana.”

Nonomho Te Keli Teke Risoi Mae Mak 6:15

Keha naiknore ne cheke eghu, “Mae igne mae Elija.” Kehare ne cheke eghu, “Mae igne kaisei mae ka hatimare mae profet tifa ra.”

Luku 24:19

Mae Jisas ne cheke eghu ka phiamare, “Eigna unha sia?” Phiamare ne cheke eghu ka mana, “Eigna mae Jisas gna Nasaret. Mana kaisei mae profet funugna ka God. Eghuteuna nogna gloku nei nogna cheke teure thono nolaghi fara ke ulugna God nei ke uludi naikno te gnafa.

Jone 1:25

mare ne ghusna eghu ka mae Jone, “Jame iagho te theome mae Kraes nei theome mae Elija nei theome mae profet teuna. Naugna unha iagho te faꞌapublahi naikno gnea?”

Luku 13:33

Uve, gognaro, nathuꞌu ba nauriha nate tei iara na. Naugna theome nabadi mare te faleheni mae profet ka keha namono delei, nu Jerusalem kolho.”

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Matiu 21:10

Kate ruma haghe mae Jisas ka namono Jerusalem, naiknore ne nghali, ne ghusna eghu, “Mae ihei signea?”

Matiu 21:26

Nu jame cheke eghu tahati, ‘Naikno kolho teke tusu lao nolaghi ka mae Jone’, naiknore ginauna diꞌa tadi ka tahati naugna mare kafe fatutuani mae Jone na kaisei mae profet.”

Matiu 21:46

Aonu, mare magnahaghei te lokini mana. Nu mare mhaghu te eni tuana, naugna naiknore fatutuani ni mae Jisas gne kaisei mae profet.