Matiu 21:10 - Buka Blahi Ka Cheke Holo

¹⁰ Kate ruma haghe mae Jisas ka namono Jerusalem, naiknore ne nghali, ne ghusna eghu, “Mae ihei signea?”

Matiu 21:10 ပူးပေါင်းရင်းမြစ်များ

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.

Luku 9:9

Nu mae Herod ne cheke eghu, “Mae Jone ia iara neke chekedi mare neke kukusu pha'ugna na tifa. Eghume mae ihei eghu si te nomhini iara thoutonu gna na gnea?” Eghuteuna mae Herod ne magnahaghei fara te filoni mae Jisas.

Luku 7:49

Aonu, hatimare mae te gnokro ima teu ka tevo na, ne cheke eghu fari thedi, “Tore, mae ihei si ignea? Tangomana si mana te hata fadeleidi nakhibodi naikno grea?”

Luku 5:21

Aonu hatimare mae velepuhigna vetula nogna mae Moses, nei hatimare mae Farasi eghu re ne funu cheke eghu kau gaoghathodire, “Mae ihei si mae ignea? Mae igne cheke faparini God signe. Theo kaisei naikno te tangomana te mala hata fadelei nakhibo na, kaisei thegna God ngala!”

Profet Isaia 63:1

Mae sekiuriti te toetoe teu ke kligna bara thina na ne cheke eghu, “Mae ihei site mei funugna Idom ka namono Bosra ignea? Mana pipichi ka famane pohe ukru. Mana mei jateula kaisei mae te nheta nei nolaghi eghu. Nu mae ihei eghu signea?” Lord ne cheke eghu, “Iara ngala te mei igne! Iara mei mala chekeni tela uluhi iara na, naugna puhigu iara na thofno doglo fara! Eghuteuna iara au nogu nolaghi te mala fakarhi ghami ghotilo na.”

Famane Khoje 3:6

Ihei site jifla mei funu ka namono nagou jateula gagahu khaꞌaghi biꞌo teu gnea? Sisirigna gna thofno famane fara, jateula sisirigna famane insens, teke atha teke mei mae bisnis funu ka vido khaba fara.

Ululahu Samuel 16:4

Aonu mae Samuel ne leghuni unha te chekeni Lord ka mana igne. Kate posa mana ka namono na, hatimare mae biꞌogna namono na filoni mae Samuel ne mhaghu nodi fara. Mare mei ne ghusna eghu ka mana, “Iagho mei ka pharikeli?”

Thoutonu Eigna Rut 1:19

Aonu Naomi ghe Rut ne jifla jare Moab ne tei Betlehem. Kate filodi repa te posa ka namono na, goro gaꞌasere ne eha eghu fabiꞌo, “Ihei signea? Naomi na kela pulo mei ka tahati!”

Jone 2:18

Kate filoni unha te eni mae Jisas igne, mae biꞌodi mae Jiu gre ne diꞌatadi fara ne ghusna eghu ka mana, “Unha kofubobhoi nate eni iagho te mala laseni ghehati God neke tusu ari ka iagho nolaghi te mala edi glepo igre na?”

Luku 20:2

Eghuteuna mare ne cheke eghu ka mana, “Ghema, unha nafnata nolaghi site au ka iagho te edi glepo igrea? Mae ihei teke tusu ari nolaghi te mala edi iagho glepo gre?”

Matiu 2:3

Kate nomhini mae King Herod eigna nodi King majaghani mae Jiu gne, mae King Herod ne diꞌanagnafa fara, nei jaola ngau iheire te gnafa te au ka namono Jerusalem.

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Matiu 21:11

Naiknore ne cheke eghu, “Jisas, profet gna Nasaret ka nohi Galili.”