Matiu 20:8 - Buka Blahi Ka Cheke Holo

⁸ “Rafi soru, mae khoto nagare na ne cheke eghu ka mae te reireghidi mae gloku re, ‘Eha meidi mae gloku ra, mala folidi nodi tabare. Iagho na fufunu folidi mae teke tei loku leghu lahu ra tei gnafa ka mae teke kulu tei loku ra.’

Matiu 20:8 ပူးပေါင်းရင်းမြစ်များ

Diutronomi 24:15

Leuleghu narane na, ame plulu nga naprai na teuna, ghotilo folini teke loku mana na, naugna mae igne kuma fara eghuteuna mana magnahaghei sileni. Jame te theome folini ghotilo mana na, mana ginauna tei tanhi ka Lord, eghuteuna ghotilo ginauna naba te papara ka nakhibo igne.

Ululahu Pita 4:10

God neke tusu ari ka ghotilo soasopai khokofakasai te mala edi nogna glokure. Eghume ghotilo loku fakeli ka khokofakasai igre mala fari totoghoi ka kmana nafnata puhi.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Taetus 1:7

Eghume iara magnahaghe nigho te mala vavahi mae mala baubatu ka mae iheire te keli puhidire naugna mana mala loku ranghini God nei reireghi fakelini eghu u gloku gna u khiloau na. Mana theome kaisei mae mala fabiꞌobiꞌo, ba mae mala ghosei diꞌatagna, ba mae mala koꞌu koba, ba mae mala khuru magra ba mae mala magnahaghei hata glepo kmana kolho ka puhi te chaichaghidi naiknore.

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Luku 12:42

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagnani mae funei na ia? Mae gloku te lalase fara te leghuni fabrahu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Luku 10:7

Ghotilo au kmu ka sugadi naikno teke hata pharikeli tuana. Eghuteuna ghotilo ima nei koꞌu eghu unha te tusu ranghi ghami naiknore, naugna mae ihei te loku na, mana nabagna te hata nogna taba na. Thosei leuleghu suga.

Luku 8:3

Eghuteuna kehana Joana, khetogna mae Kusa, mae biꞌo te mala reireghidi nogna glepo mae King Herod Antipas. Kehana Susana baludi kmana gaꞌase langau eghu. Eghuteuna gaꞌase igre tangomana te toghodi mae Jisas nei hatimare nogna mae fanomhore ka nodi glepo thedire.

Matiu 25:31

Aonu mae Jisas ne cheke eghu, “Ka narane na teke pulo mei iara na, iara na mei balu nogu nolaghi biꞌo. Nogu tothoghei engel iara re ginauna mei balugu iara. Eghuteuna iara mae King na ginauna gnokro ka sape nafnakno.

Matiu 25:19

“Keha finogha ke leghugna igne, mae funei na neke pulo mei. Aonu mana ne kilodi nogna mae glokure ne ghusna eghu ka mare, ‘Faꞌunhadi si ghotilo nogu sileni iara ra?’

Levitikas 19:13

“Eghuteuna ghotilo thosei chaghi tafrini ba blauni kherami na. Eghuteuna kate hata ghotilo kaisei te mala edi nomi gloku re, ghotilo mala thosei toki au nogna taba mana na ghilei thokeni keha narane na. Ghotilo mala folini mana ka narane teke loku mana tuana la.

Jenesis 43:19

Aonu mare ne filoni nogna mae gloku mae Josep te mala reireghigna nogna suga mana na kegra neu jare rhegna grengatha na, mare tei ne cheke eghu ka mana,

Jenesis 15:2

Nu mae Ebram ne cheke eghu, “Lord God, unha glepo te keli gne nate tusu mei iagho ranghi ghau iara na? Glepo mala nogu iara teku iagho gre na theo ihei nga teke khotodire naugna iara gne theo kaisei thugu! Kate lehe iara ginauna mae Eliesa gna Damaskas ihei te loku ka suga gu iara gne ngala nate ke khotodi glepo teke khotodi iara re.”

Matiu 20:7

“Mare ne cheke eghu ka mana, ‘Naugna theo kaisei mae te foli ghami ghehati na.’ “Aonu mana ne cheke eghu ka mare, ‘Keli fara, ghotilo jaola tei loku ka nogu nagare iara na.’

Matiu 20:9

“Mae gloku teke tei funu loku tanhi glimai ra mei ne hata nodi tabare. Mare ne sopa hata kaisei sileni kolho.

Thoutonu Eigna Rut 2:6

Mae funeigna gloku na ne cheke eghu ka mae Boas, “Gaꞌase ana thaugna Moab neke mei agne balugna Naomi.