Matiu 20:7 - Buka Blahi Ka Cheke Holo

⁷ “Mare ne cheke eghu ka mana, ‘Naugna theo kaisei mae te foli ghami ghehati na.’ “Aonu mana ne cheke eghu ka mare, ‘Keli fara, ghotilo jaola tei loku ka nogu nagare iara na.’

Matiu 20:7 ပူးပေါင်းရင်းမြစ်များ

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Kolose 1:26

Ka fufunu gna nauthoglu na te ghilei posa gognaro gne, cheke igne neke poru ka naikno te gnafare, nu gognaro na God la falalasehi ka nogna naiknore.

Efesus 6:8

Ghotilo te gnafa na laseni igne, eigna Lord thegna ginauna tabadi iheire te loku fakelire, neubane mae sneka ba theome mae sneka.

Mae Khuru 4:16

Mare ne cheke eghu, “Tore, faꞌunhadi si tahati phei mae igrea? Naugna naikno te gnafa agne Jerusalem re la filodihi u kofubobhoi biꞌo te edi phei mae igre. Tutuani, tahati theome tangomana te thufu ne chaghi phiamare teuna.

Jone 9:4

Kani phae ngau narane gne edi tahati nogna gloku God mae teke kuru mei ghau iara na. Naugna bongi na la namo meihi. Eghuteuna theome tangomana kaisei naikno te loku kate romno na.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Matiu 20:1

“Narane God te funei frunidi nogna naiknore jateula te eni ka thoutonu igne eghu. Kaisei fata, mae te khotogna nagare na jifla hamerane boibongi mala hata keha naikno mala tei loku ka nogna nagare na.

Matiu 20:6

Jame tanhi glimai fei grafi mana neke pulo mei ka vido mala maket na. Mana filodi keha mae kegra tafri neu jare. Mana ne cheke eghu ka mare, ‘Ne unha site fiti kegra tafri teu ghotilo agne narane tongana gnea?’

Matiu 20:8

“Rafi soru, mae khoto nagare na ne cheke eghu ka mae te reireghidi mae gloku re, ‘Eha meidi mae gloku ra, mala folidi nodi tabare. Iagho na fufunu folidi mae teke tei loku leghu lahu ra tei gnafa ka mae teke kulu tei loku ra.’