Matiu 20:31 - Buka Blahi Ka Cheke Holo

³¹ Naikno te gnafare ne cheke faheta ka phiamare mala megei. Aonu phei mae te dofu igre heta ghedi ne eha ne eha, “Lord, vikegna King Devet, togho ghami ghepa!”

Matiu 20:31 ပူးပေါင်းရင်းမြစ်များ

Matiu 19:13

Ke leghugna igne, keha naiknore hata ne mei goro suare ka mae Jisas, mala habo mana ke klignadi mala taraidi nei fablahidi eghu. Kate filoni igne, mae fanomhore ne cheke faheta ka naiknore mala thosei hata mei goro suare ka mana.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Ululahu Tesalonika 5:17

Tarai koba.

Matiu 15:23

Mae Jisas ne theome cheke ka naꞌa. Nogna mae fanomhore mei ne cheke eghu ka mana, “Ghema, chekeni sagho naikno biꞌo tuana mala tei delei! Naugna naꞌa leghu ghita ne eha fabrahu.”

Luku 18:39

Naikno te au ului ka thei na ne cheke ka mae te dofu na mala megei. Nu mae te dofu na ne tirogna fanomho ka mare ne eha eghu fabiꞌo fara, “Vikegna mae King Devet, kokhoni ghau iara!”

Matiu 9:27

Kate jifla mae Jisas ka vido tuana, phei mae te dofu ne funu leghuni mana ne eha eghu ka mana, “Iagho vikegna mae King Devet, kokhoni ghami ghepa!”

Matiu 20:30

Jare phei mae te dofu gnokro ka geri nabrou na. Phiamare nomhini mae Jisas te tei sala'u na. Aonu phiamare ne funu eha, “Lord, vikegna mae King Devet, togho ghami ghepa!”

Matiu 20:32

Mae Jisas kegra snoto ne kilodi phei mae te dofure mala mei ka mana. Aonu, mana ne cheke eghu ka phiamare, “Unha te magnahagheni ghopa te mala eni iara ranghi ghami na?”