Matiu 20:26 - Buka Blahi Ka Cheke Holo

²⁶ Nu ghotilo thosei jateula tuana eghu fari hoteimi themi. Mae ihei te magnahaghei mae biꞌo ka ghotilo na, mana mala jateula mae gloku eghu ka ghotilo.

Matiu 20:26 ပူးပေါင်းရင်းမြစ်များ

Nonomho Te Keli Teke Risoi Mae Mak 10:43

Nu ghotilo thosei jateula tuana eghu fari hoteimi themi. Mae ihei te magnahaghei mae biꞌo ka ghotilo na, mana mala jateula mae gloku eghu ka ghotilo.

Nonomho Te Keli Teke Risoi Mae Mak 10:45

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala folidi nakhibodi naikno te kmanare.”

Nonomho Te Keli Teke Risoi Mae Mak 9:35

Aonu, mae Jisas gnokro soru ne kilodi nabotho phei mae fanomhore ne cheke eghu ranghidi, “Jame kaisei mae ka ghotilo magnahaghei mae biꞌo, mana na lisei soruni thegna pari lahu mala mae nomi naikno gloku ghotilo hui.”

Ululahu Pita 5:3

Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.

Luku 18:14

Mae Jisas ne cheke eghu ka mare, “Te chekeni iara ka ghotilo na. Mae te diꞌa igne kate ke pulo ka suga na, mana ne thono doglo fara ke ulugna God, eghuteuna mae Farasi gne ne theo kolho. Eghume mae ihei te fahaehagheni thegna na, God ginauna nake nhaꞌa faparini mana, nu mae ihei te nhaꞌa faparini thegna na God ginauna nake nhaꞌa fahagheni mana.”

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Matiu 25:44

“Mare ginauna jaola cheke eghu ka iara, ‘Lord, niha ghehati filo nigho teke rofo ba roi koꞌu ba jifla kokoni sugamu na ba soesole ba fogra ba au ka suga sosolo, nei theome togho nigho teku na?’

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Filimon 1:13

Iara ne magnahagheni mana te tughu nigho iagho mala au balugu agne mala togho ghau kate au ka suga sosolo gne malagna Nonomho te Keli.

Fapea Timoti 1:18

Iagho laseni fara igne, kmana glepo te togho ghau iara mae Onesifora ka namono Efesus. Iara toreni Lord mala khokonini mana ka narane leghu lahu na.

Fapea Korin 1:24

Ghehati theome magnahagheni te sagheleghudi nomi fatutuani ghotilo re, naugna ghehati lase ghami ghotilo tela kegra hetahi ka nomi fatutuani na ka God. Nu ghehati magnahagheni te loku balumi ghotilo mala tangomana ghotilo te gleale'a na.

Mae Khuru 13:5

Kate tei thoke mare ka namono Salamis ka moumolu Saeprus, phiamare ruma ne toutonuni u Nonomho te Keli nogna God na ka nodi suga tharai mae Jiure. Eghuteuna ka vido tuana mae Jone Mak ne tei baludi phiamare mala toghodi ka gloku na.

Jone 18:36

Mae Jisas ne cheke eghu ka mana, “Iara mae King, nu iara theome jateula king gna nauthoglu pari igne eghu. Jame mae king gna nauthoglu pari igne iara meuna, nogu mae fanomho iara gre jame magra heta eigu iara mala theome atha ghau iara mae Jiu gre. Iara mae King, nu iara theome jateula ngau keha mae king te funei frunidi naiknogna nauthoglu pari igne eghu sia.”

Matiu 27:55

Kmana gaꞌase teke mei funudi Galili balugna Jisas te mala toghoni mana igre filo neu delei.

Profet Esikiel 24:13

“ ‘Ghotilo naiknomi Jerusalem. Thona ne au ke lamnagna sospen na teu igne, tuana u thotoghalegna puhimi ghotilo te eni puhi te diꞌa na ka keha naiknore. Eghume ghotilo thona ka tathagu iara na eghu. Neuba iara ne fariuriu mala gae ghotilo neu, nu ghotilo theome tangomana te snakre ghau iara na. Eghuteuna puhimi ghotilo te diꞌa igre ginauna au fabrahu ghilei gnafa iara diꞌatagu ka ghotilo na.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Matiu 20:27

Mae ihei te magnahaghei mae kligna lahu ka ghotilo na, mana mala jateula kaisei mae sneka eghu ka ghotilo gnafa.

Luku 22:26

Nu ghotilo na theome mala jateula tuana eghu. Mae ihei te mae biꞌo lahu ka ghotilo na, mana mala jateula kaisei mae sitei eghu kolho, eghuteuna mae ihei te mae baubatu na mana mala mae gloku.