Matiu 20:21 - Buka Blahi Ka Cheke Holo

²¹ Mae Jisas ne ghusna eghu ka naꞌa, “Unha te magnahagheni iagho na?” Naꞌa ne cheke eghu ka mana, “Iara magnahaghedi phei thugu nalhaꞌu igre te gnokro kau nafnakno biꞌo, kaisei fei nhetamu nei kehana fei mairimu eghu ka narane te King iagho na.”

Matiu 20:21 ပူးပေါင်းရင်းမြစ်များ

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Nogna Buka Esta 5:3

Eghuteuna king ne ghusna eghu, “Kuin Esta, unha te magnahagheni iagho na? Jame te chekeni iagho unha te magnahagheni ka iara na, neuba iagho ne toreni kaisei vido biꞌo ka gobigna lepo te au ka kantri te funei frunini iara igne, iara ginauna na tusu ari ka iagho.”

Matiu 18:1

Ka narane tuana mae fanomhore mei ne ghusna eghu ka mae Jisas, “Ba, mae ihei nate mae biꞌo lahu ke lamnadi naikno te funei frunidi God igre?”

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Mae Khuru 1:6

Kate kafe khapru teu mae khurure balugna mae Jisas na, mare ne ghusna eghu ka mana, “Ba, Lord, gognaro iagho nake tusu fapulo u nolaghi na ka mae Israel gre mala reireghidi mare thedi kau nauthoglu igne sia?”

Nonomho Te Keli Teke Risoi Mae Mak 6:22

Thugna gaꞌase Herodias na ne mei kau gaghamu na ne ragi ke uludi mare. Kate ragi naꞌa na mae Herod nei hatimare mae kheragna mana re eghu ne fifilo ne keli tadi fara ka naꞌa. Aonu mae King Herod ne ghusna eghu ka sua gaꞌase na, “Unha glepo te magnahaghei iagho na? Iara ginauna na tusu ari ka iagho unha te magnahagheni iagho na.”

Matiu 20:32

Mae Jisas kegra snoto ne kilodi phei mae te dofure mala mei ka mana. Aonu, mana ne cheke eghu ka phiamare, “Unha te magnahagheni ghopa te mala eni iara ranghi ghami na?”

Ululahu Kings 3:5

Ka bongi igne mae Solomon ne thuru Gibeon, eghuteuna Lord ne mei ka mana ka kaisei mifi. Eghuteuna God ne cheke eghu ka mana, “Iagho tangomana te tore ka iara unha te magnahagheni iagho na, eghuteuna iara ginauna tusu ari ka iagho.”

Kolose 3:1

Ghotilo neke karha fapulohi balugna mae Kraes. Eghume, ghotilo magnahagheini fabrahu unha te au kligna na, aheva mae Kraes te gnokro soru ka sape nafnakno mala funei ka khame nhetagna God.

Letas Teke Riso Tei Mae Pol Ka Khiloau Rom 12:10

Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Luku 22:24

Mae khurure ne funu fapholai eigna mae ihei nate mae biꞌo lahu ka mare na.

Luku 19:11

Mae Jisas ne mei rhegna Jerusalem. Keha naiknore gaoghathodi na narane God te funei frunidi nogna naiknore la namo meihi. Naugna tuana mana ne cheke eghu ka cheke naba, “Kaisei mae neke karha ka vikegna gna kaisei mae funei, mare kiloni mana mala tei ka kantri delei mala ke hata sapegna king ame ke pulo mei nga mala ke funei frunidi nogna naiknore.

Luku 18:41

“Unha te magnahagheni iagho te mala eni iara ranghi nigho na?” Mana ne cheke eghu, “Lord, iara magnahaghei teke fifilo fapulo.”

Nonomho Te Keli Teke Risoi Mae Mak 10:51

Mae Jisas ne ghusna eghu ka mana, “Unha te magnahagheni iagho te mala eni iara ranghi nigho na?” Mae te dofu na ne cheke eghu ka mana, “Velepuhi, iara magnahaghei teke fifilo fapulo.”

Profet Jeremaea 45:5

Ba! Iagho tangomana te kegra heta ke uludi keha naikno igre na? Theo. Iagho thosei hironi nafnakno na. Naugna iara ginauna atha mei puhi biꞌo ke klignadi naikno te gnafa ka nauthoglu igne. Nu iara ginauna snakre nigho iagho mala rikha tei ka vido aheva nate tei iagho na.” Igne chekegna Lord.

Nodi Khoje Hatimare Mae Jiu 45:9

Thudi gaꞌase hatimare mae king te kegra haghe ka suga te au teu iagho na baludi goro krupe te fnakno nanghadi. Kuin te kegra fei nhetamu kate gnokro teu iagho ka sape nafnakno. Naꞌa te lalaoni ka thua nafnata glepo teke hohoro ka famane gol ka kantri Ofa.

Letas Teke Riso Tei Mae Pol Ka Khiloau Rom 8:34

Te eghu na theo kaisei naikno te tangomana te fate ghita tahati na, eghuteuna chekeni ne jafra tahati teuna. Naugna Jisas Kraes mae ihei teke lehe na mana neke karha fapulo, mana gognaro na auhi fei nhetagna God, eghuteuna mana tarai heta mala togho ghita tahati.

Ululahu Kings 2:19

Aonu Batseba tei ne filoni King Solomon eigna igne. Kate ruma Batseba ka suga na, king kegra haghe ne pogho soru ka naꞌa. Aonu King Solomon gnokro soru ka nogna sape nafnakno na, eghuteuna mare hata kaisei sape nafnakno ka kuin, idogna na, ne gnokro rhegna mana.

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.

Matiu 20:22

Mana ne cheke eghu ka retilo, “Ghotilo theome laseni unha te toreni ka iara na. Ba tangomana ngau si ghopa te au papara ka nafnata nate au papara iara gnea?” Phiamare ne cheke eghu ka mana, “Uve, ghepa tangomana.”