Matiu 20:14 - Buka Blahi Ka Cheke Holo

¹⁴ Eghume hata nou taba na tei ka sugamu na. Naugna iara magnahaghei te tabani mae teke tei loku leghu lahu igne jateula iagho eghu.

Matiu 20:14 ပူးပေါင်းရင်းမြစ်များ

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Luku 15:31

“Mae kmagna na ne cheke eghu ka mana, ‘Thuguo! Iagho au fabrahu balugu iara. Gobigna lepo te au ka iara re kafe nou iagho.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Letas Teke Riso Tei Mae Pol Ka Khiloau Rom 3:4

Theo fara. Neubane chaghi naiknore, God ginauna tutuani fabrahu ka unha te chekedi mana re, jateu te chekeni ka grioriso te blahi na, “God, te chekeni iagho kate tapla jafra ghehati ka nakhibo na, ghehati laseni nou cheke iagho na thofno doglo fara. Eghuteuna kate ghaoghatho mala fate nigho teuna, naiknore ginauna filo glani nigho te doglo fabrahu iagho na.”

Matiu 6:16

Mae Jisas ne cheke eghu, “Gognaro na eigna te theome ghamu gano. Kate dangna na, ghotilo thosei filo uchu jateula te edi mae te chaichaghi ra eghu. Mare fadidiꞌa tathadire ka narane te dangna na. Mare eni igne, mala filo naiknore eghu kolho. Nu tutuani fara te chekeni iara ka ghotilo na, mare la kulu hatahi nodi tabare ka naiknore.

Matiu 6:6

Nu iagho na, kate tarai na iagho ruma ka nou chogho na, eghuteuna bobotho grengatha na, eghuteuna iagho tarai poru ka mae Kmamu te theome tangomana ihei te filoi na eghu. Mana na filoni unha te eni poru iagho na eghuteuna mana ginauna taba nigho iagho.”

Matiu 6:2

“Kate tufa glepo ka naikno te kuma na, thosei jateula mae te chaichaghi ra eghu falalase ka naiknore. Mare edi tuare ke lamna suga tharai nei ke lamna nabrou biꞌo. Mare magnahaghedi naiknore te ghatho tahudi kolho. Nu tutuani fara te chekeni iara ka ghotilo na, mare la kulu hatahi nodi tabare kate cheke fakelidi naiknore.

Fapea Kings 10:16

Mae Jehu neke cheke eghui, “Gognarona iagho mei balugu iara mala filoni themu te loku iara ranghini Lord na.” Aonu phiamare kafe saghe ka chariot na ne tei Samaria.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Matiu 20:13

“Mae khoto nagare na ne cheke eghu ka kaisei mae gloku, ‘Ghema kheraguo, iara theome chaghi nigho. Iagho neke magnahaghei loku kaisei narane malagna kaisei sileni kolho.

Matiu 20:15

Iara tangomana te eni unha iara te magnahaghei ka nogu sileni thegu re. Ba iagho goghotu naugna te keli iara ranghidi naikno tuare sia?’ ”