Matiu 2:20 - Buka Blahi Ka Cheke Holo

²⁰ ne cheke eghu ka mana, “Josep, dofra haghe! Hata sua ghe idognare, mala ke pulo ka namono Israel, naugna naikno teke magnahaghei faleheni mae sua na la kafe lehehi.”

Matiu 2:20 ပူးပေါင်းရင်းမြစ်များ

Matiu 2:13

Ke leghugna te jifla mare na, mae Josep thuru ne mifi. Eghuteuna, kaisei engel nogna Lord ne thakle mei ne cheke eghu ka mana, “Ghema Josep, dofra haghe! Hata sua ghe idognare mala soru ka namono Ijep, au fabrahu jare ke ghilei cheke nigho iara mala teke pulo na. Mae King Herod na hironi mae sua igne, naugna mana magnahaghei te faleheni mae sua na.”

Ululahu Kings 11:40

Ke leghugna igne, King Solomon ne magnahaghei te faleheni mae Jeroboam, nu mana rikha ne tei ka King Sisak Ijep, mana au neu jare ne ghilei lehe King Solomon.

Ululahu Kings 11:21

Kate au teu mae Hadad Ijep na, mana ne nomhini tela lehehi King Devet ghe komanda Joab na, aonu mana tei ne cheke eghu ka king, “Iagho snakre ghau iara mala ke pulo ka nogu kantri na.”

Matiu 2:19

Ke leghugna te lehe mae Herod na, kaisei engel nogna Lord ne thakle ranghini mae Josep kau mifi na ka namono biꞌo Ijep,

Matiu 2:21

Mae Josep kegra haghe, ne hata sua ghe idognare neke figri Israel.