Matiu 2:18 - Buka Blahi Ka Cheke Holo

¹⁸ “Naikno te au ka namono Rama ne nomhini kaisei naogla, u naogla natanhi nei phaopado, Resel ne tanhidi thugnare, ne theome kmu, naugna mare ne kafe lehehi.”

Matiu 2:18 ပူးပေါင်းရင်းမြစ်များ

Profet Jeremaea 31:15

Lord ne cheke eghu, “Kaisei naogla ne nomhi laoni namono Rama. Naogla natanhi nei khoje diꞌanagnafa. Resel tanhidi thugnare. Eghuteuna ninhigrana ranghini kaisei naikno te fameomegoni naꞌa na, naugna ne dofidi thugnare.”

Profet Jeremaea 4:31

Iara ne nomhini kaisei naogla jateula natanhi gaꞌase te namo karha sua majaghani ra neu. Igne nogna natanhi namono biꞌo Jerusalem te kmoꞌe gnafa ne cheke eghu, “Tutuani fara, naoka igre magnahaghei te mei falehe ghau iara!”

Profet Esikiel 2:10

Mana tothora buka igne ke ulugu iara, eghuteuna mare rioriso cheke te gnafa igre ka phei philegna phepa igne. Mare rioriso eidi nodi khoje paopado, nei diꞌanagnafa, nei natanhi teu naiknore.

Jenesis 37:30

Aonu mana neke figri ka mae tahignare ne cheke eghu, “Tore, iara theome filoni mae Josep na jare. Faꞌunha eghu ame tangomana nga iara teke hata fapuloni mana ka khamedi mae te hatani mana te tei Ijep gre eghu?” Hatimare ne theome cheke tughu ka mana ne cheke eghu ka gaoghathodire, “Mala unha ni si mae ignea, lisa laoni mae tuana.”

Thakle 8:13

Kate filo teu iara na, iara ne nomhini kaisei gaghata ne flalo ka maloa na kligna fara. Gaghata tuana ne eha eghu fabiꞌo fara, “Puhi biꞌo! Puhi biꞌo! Puhi biꞌo ranghidi iheire te au ka nauthoglu! U puhi biꞌo igne ginau fufunu ka naogladi nodi khufli thilo engel kate ifu teu igre!”

Thoutonu Eigna Mae Job 14:10

Nu kate glaꞌe soru te lehe naikno na, igne ngala leghu lahugna mana na.

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Matiu 2:17

Igne ne thofno horoghoto ka unha teke chekeni mae profet Jeremaea tifa ia,

Luku 8:52

Naikno te au ka suga tuana ne kafe tanhi balu diꞌanagnafa, naugna sua gaꞌase na la lehehi. Nu mae Jisas ne cheke eghu, “Thosei tanhi. Naꞌa theome lehe, nu naꞌa thuru au kolho!”