Matiu 2:13 - Buka Blahi Ka Cheke Holo

¹³ Ke leghugna te jifla mare na, mae Josep thuru ne mifi. Eghuteuna, kaisei engel nogna Lord ne thakle mei ne cheke eghu ka mana, “Ghema Josep, dofra haghe! Hata sua ghe idognare mala soru ka namono Ijep, au fabrahu jare ke ghilei cheke nigho iara mala teke pulo na. Mae King Herod na hironi mae sua igne, naugna mana magnahaghei te faleheni mae sua na.”

Matiu 2:13 ပူးပေါင်းရင်းမြစ်များ

Mae Khuru 12:11

Ka vido tuana mae Pita neke snagla gaoghathogna na, ne cheke eghu, “Tutuani fara, aola thofno laseni nga iara te snakre meini God nogna engel na te mala fakarhi ghau ka khamegna mae King Herod na, nei ka gobigna lepo teke mala eni ranghi ghau iara teku mae Jiura.”

Mae Khuru 10:7

Kate jifla tela teihi u engel na, mae Konilias ne kilodi phei nogna mae glokure baludi kaisei mae soldia. Mae soldia igne kaisei mae keli fara nei ghatho tahuni God nei mana loku ranghini mae Konilias.

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,

Matiu 2:12

Nu God ne cheke faheta fara ka mare kau mifi na mala thosei ke pulo mare kau nabrou te thoke ka mae King Herod. Aonu mare neke pulo ka nodi namono na ka keha nabroui.

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Thoutonu Eigna Mae Job 33:15

Kate thuru teu naiknore, God tangomana te cheke mei ka mifi.

Thoutonu Eigna Mae Job 33:17

Mana eni igne mala thosei tapla jafra naiknore ka nakhibo, nei mala thosei fahaehaghe.

Thakle 12:14

Nu God ne tusu ranghini naꞌa phei baghi gaghata mala tangomana naꞌa te flalo te tei ka namono nagou te khaba ka pholi biꞌo na. Jare ka vido tuana mare ginauna reireghi fakelini naꞌa thilo finogha namno nhigra.

Mae Khuru 16:36

Aonu mae greireghi gna suga sosolo na ne cheke eghu ka mae Pol, “Mae mala fate re te chekeni na, ghopa mae Silas tangomana te jifla na. Ghopa gognaro tangomana te jifla ka pharikeli.”

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Mae Khuru 7:19

Mana saosagrodi fara noda naiknore nei fakokhoanadi fara mae kuꞌeda re nei huhurudi mala lilisei mare suare ke kosi suga mala lehe.

Matiu 10:23

Kate para ghami naiknogna kaisei namono na, rikha tei ka keha namono na. Tutuani fara te chekeni iara ka ghotilo na, ame gnafa nga ghotilo nomi gloku na ka namono te kmana Israel igre teuna, iara mae teke mei funu ka God na nake pulo mei.

Josua 3:17

Eghuteuna kate kasa mare na, hatimare mae pris kegra fabrahu neu fari hotei khoꞌu tela krango hi na ne ghilei kasa ne hui naiknore ka keha phile khoꞌu na.

Thakle 12:6

Gaꞌase na ne rikha ne tei ka namono nagou aheva God teke kulu tarabanahi jare kaisei namono malagna naꞌa. Mare ginauna reireghi fakelini naꞌa ka vido tuana nabagna thilo finogha namno nhigra.

Josua 4:10

Mae pris igre kegra fabrahu farihotei khoꞌu biꞌo ne ghilei gnafa unha teke chekeni Lord ka mae Josua, jateula unha teke chekeni Moses ka Josua tifa. Naiknore ghosei ne kasa ka keha phile khoꞌu na.

Josua 3:13

Mae pris igre mare na pala nogna Bokis Blahi Lord mae funeigna nauthoglu igne. Kate soru te kegra mare lamna khoꞌu na, khoꞌu biꞌo te britha igne ginauna na krango, eghuteuna khoꞌu na ginauna na tei au ka kaisei vido kolho te kegra delei jare jateula kaisei gringni biꞌo eghu.”

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.

Matiu 2:22

Kate nomhini mana mae Akelaus teke mae King Judia tughuni mae kmagna Herod teke lehe na, mae Josep ne mhaghu te tei au jare. Aonu, ke leghugna te cheke God ranghini mae Josep kau mifi na, retilo neke tei ka namono Nasaret te au ke lamnagna Provins Galili. Igne ne horoghoto fara ka unha teke cheke eghu hatimare mae profet tifa eigna mae Kraes ia, “Mare na kiloni mana mae gna Nasaret.”

Ululahu Kings 3:5

Ka bongi igne mae Solomon ne thuru Gibeon, eghuteuna Lord ne mei ka mana ka kaisei mifi. Eghuteuna God ne cheke eghu ka mana, “Iagho tangomana te tore ka iara unha te magnahagheni iagho na, eghuteuna iara ginauna tusu ari ka iagho.”

Matiu 2:14

Aonu mae Josep kegra haghe ne tei Ijep farihotei bongiro baludi Meri ghe thugna.

Mae Khuru 12:7

Kaisei engel nogna God megei nga ne kegra neu ke lamnagna suga sosolo na, eghuteuna kaisei juta biꞌo phae lao ka vido tuana. U engel na ne taponi mae Pita ne fadofrani mana. Aonu engel na ne cheke eghu ka mana, “Ghema Pita, faghose kegra haghe sagho!” Eghuteuna phei chen teke rerini mana re ghosei ne khusu ne khoko soru ka khamegna mae Pita re.

Ululahu Kings 11:17

Nu mae Hadad gne kaisei mae sitei thugna king gna Idom, ka narane tuana mana neke rikha baludi keha nogna mae biꞌo kmagna mana re. Mare rikha ne tei Ijep.