Matiu 19:28 - Buka Blahi Ka Cheke Holo

²⁸ Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Matiu 19:28 ပူးပေါင်းရင်းမြစ်များ

Matiu 25:31

Aonu mae Jisas ne cheke eghu, “Ka narane na teke pulo mei iara na, iara na mei balu nogu nolaghi biꞌo. Nogu tothoghei engel iara re ginauna mei balugu iara. Eghuteuna iara mae King na ginauna gnokro ka sape nafnakno.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 7:4

Aonu iara ne nomhidi niha naikno te au nogna fagaglana God tadire, thokeni kaisei gobi phiatutu fati thogha naikno. Mare jifla mei ka vike te gnafa gna Israel.

Fapea Pita 3:13

Nu God neke nhaꞌa chekehi mala ke hohoro maloa majaghani nei nauthoglu majaghani, eghuteuna jare nate au naikno te doglore. Eghume tahati ofou kolho mala filodi glepo te majaghani igre.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Profet Isaia 66:22

“Tutuani, maloa majaghani nei nauthoglu majaghani eghu teke vuavuha iara ka nogu nolaghi na igre ginauna au fabrahu tifa tifa ka tathagu iara na. Jateula tuana eghu ghotilo nei iheire nate karha mei ke leghumi ghotilo re ginauna au rheta fabrahu tifa tifa eghuteuna nanghagu iara na ginauna theo ka huigna.

Profet Isaia 65:17

Lord ne cheke eghu, “Iara ginauna horo maloa majaghani nei nauthoglu majaghani. Gobigna lepo teke edi tifa ra, naiknore ginauna ghatho ihodihi.

Thakle 21:5

Aonu mae ihei te gnokro ka nogna sape nafnakno mae King na ne cheke eghu, “Filo sagho, iara nake hohoro famajaghani thua lepore!” Aonu mana neke cheke eghu ka iara, “Iagho rioriso soru cheke igre, naugna cheke igre thofno tutuani fara eghuteuna iagho tangomana te fatutuanidire.”

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Mae Khuru 3:21

Nu mae Jisas na mala au kligna ghilei thokeni narane God ginauna na teke edi teke famajaghanidi gobigna lepore. Naugna God neke kulu chekeni igne tifa ka nogna mae profet te blahire.

Matiu 20:21

Mae Jisas ne ghusna eghu ka naꞌa, “Unha te magnahagheni iagho na?” Naꞌa ne cheke eghu ka mana, “Iara magnahaghedi phei thugu nalhaꞌu igre te gnokro kau nafnakno biꞌo, kaisei fei nhetamu nei kehana fei mairimu eghu ka narane te King iagho na.”

Thakle 22:2

te loloro soru farihotei nabrou biꞌo ka namono na. Gaju te tusu meini u karha ka iheire te ima sisigna na kotu ka phei gerigna khoꞌu na. Gaju igne ure leuleghu nhigra nabotho phei fata ure ke lamnagna kaisei finogha. Eghuteuna khaklagnare, naiknodi namono te gnafa ka nauthoglu gne tangomana te hata mala faghaotadi naikno te fogra re.

Esra 6:17

Ka narane biꞌo teke fablahigna Sugablahi igne, mare ne aknu falehe kaisei gobi buluka nalhaꞌudi, nei phia gobi sipu nalhaꞌudi, nei fati gobi sua sipu nalhaꞌudi eghu mala fafara. Eghuteuna mare aknu falehe nabotho phei nanigot nalhaꞌudi mala fafara mala gae naiknore ka tathagna Lord. Mare fafara kaisei nanigot kaisei tharakna eghu ka nabotho phei vikegna Israel.

Ululahu Kings 18:31

Aonu mana ne hata nabotho phei thina, thina igre nanaba ka nabotho phei vike teke karha mei ka nabotho phei thugna mae Jekop, mae ihei Lord te kiloni mana Israel.

Josua 3:12

Eghuteuna ghotilo nabotho phei vikegna Israel ra, ghotilo vavahi nabotho phei mae, kaisei mae ka kaisei vike.

Levitikas 24:5

Lord ne cheke eghu, “Ghotilo mala hata duku biꞌo famane flaoa, eghuteuna ghotilo mala gahu nabotho phei bret tagna.

Eksodas 28:21

Ka puhi igne, mare na famamhaku nabotho phei thina te nabadi thugna Jekop, igre nabotho phei vikegna Israel. Eghuteuna ke kligna di nabotho phei thina igre, mare ghagra nanghadi nabotho phei thugna Jekop, eghuteuna thina te gnafa igre au kaisei nangha tagna.

Eksodas 24:4

Mae Moses ne rioriso soru ka kaisei buka nogna vetula Lord igre. Hamerane boibongi ka keha narane na, mae Moses neke soru ka naikno te au teu ka pesigna thogele na ne babana kaisei olta mala fafara. Mana ne fakegra haghe nabotho phei thina rhegna olta na ranghidi nabotho phei vikegna Israel.

Eksodas 15:27

Mare jifla Mara ne tei thoke Elim, ka vido aheva te au nabotho phei glokha nei fitu salei gaju sisi det te thofno mamahe fara. Jare rhedi khoꞌu igre te hohoro suga tapuale mae Israel gre na.

Thakle 12:1

Aonu kaisei fagaglana biꞌo te mala fajaglodi naiknore ne thakle ka maloa na. Jare kaisei gaꞌase ne pipichi ka naprai. U glaba na au ke pari ghahegna, nei nabotho phei nathunure faligohoni pha'ugna na jateula kaisei nogna khepi nafnakno neu.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Matiu 19:27

Mae Pita ne cheke eghu ka mana, “Lord, ghehati neke lisei soru nomi gobigna lepore mala leghu nigho iagho. Eghume unha nate hatini ghehati na eghu?”

Nonomho Te Keli Teke Risoi Mae Mak 10:37

Phiamare ne cheke eghu ka mana, “Ghepa magnahaghei te gnokro ka sape nafnakno rhemu iagho, kaisei fei nhetamu nei kehana fei mairimu eghu kate au iagho balu siasigla ka nogna nolaghi biꞌo God na.”

Thakle 11:16

Varadaki fati mae biꞌo ka khiloau te gnokro teu ka nodi sape nafnakno ke ulugna God igre turupuku ne pogho soru ka God.

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.