Matiu 19:26 - Buka Blahi Ka Cheke Holo

²⁶ Mae Jisas ne filo tutu ka mare ne cheke eghu, “Tutuani fara, God na tangomana te eni unha te theome tangomana te eni naikno na.”

Matiu 19:26 ပူးပေါင်းရင်းမြစ်များ

Profet Jeremaea 32:27

“Iara Lord, nodi God naikno te gnafa ka nauthoglu igne. Theo kaisei glepo te ninhigrana ranghi ghau iara na.

Luku 1:37

Naugna theo kaisei glepo te ninhigrana ranghini God na.”

Thoutonu Eigna Mae Job 42:2

“Iara lase nigho iagho te au nolaghi fateote'o na, eghuteuna iagho tangomana te edi gobigna lepo te ghathodi iagho re.

Luku 18:27

Mae Jisas ne cheke eghu, “Tutuani fara, God na tangomana te eni unha te theome tangomana te eni naikno na.”

Nonomho Te Keli Teke Risoi Mae Mak 10:27

Aonu, mae Jisas ne filo tutu ka mare, ne cheke eghu, “Tutuani fara, ka naikno na thono ninhigrana fara, nu ka God na theome ninhigrana eghu, naugna mana tangomanani te edi gobigna lepore.”

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Nodi Khoje Hatimare Mae Jiu 62:11

Kmana fata iara nomhi ni God na cheke eghu, “Iara God, iara au nogu nolaghi biꞌo. Eghuteuna iara namhadi fara nogu naiknore.” Lord, iagho ngala te tangomana te taba ghami ghehati te gnafa na, eidi gloku teke edi ghehati na.

Naba 11:23

Nu Lord ne cheke eghu, “Ba, ne theome tangomana iara te edi re eghu sagho ia? Filo sagho!”

Profet Sekaraea 8:6

Naikno te karha teure nake pulo mei ka nodi namono re, mare na gaoghatho eghu ka nagnafadire, “Tore! Glepo igre thofno ninhigrana fara!” Nu iara Lord iara au nogu nolaghi fateote'o, eghuteuna theo kaisei glepo te ninhigrana ka iara. Igne nogu cheke iara Lord.

Nodi Khoje Hatimare Mae Jiu 3:8

Lord, kaisei iagho ngala te au nolaghi te mala fakarha naikno na. Iara gne tore nigho mala fablahidi nou naikno igre.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Matiu 19:25

Kate nomhini cheke mana igne, mae fanomhore jaglo ne faꞌihodi fara. Aonu mare ne ghusna eghu ka mana, “Tore! Te eghu na, mae ihei ngala si nate hatani u thofno nakarha na ia?”

Matiu 19:27

Mae Pita ne cheke eghu ka mana, “Lord, ghehati neke lisei soru nomi gobigna lepore mala leghu nigho iagho. Eghume unha nate hatini ghehati na eghu?”

Hibru 6:6

Eghuteuna jame te figri tagru nihi mare mae Kraes na, theome tangomana hila teke atha fapulodi teke mala tughu nakarha na. Naugna mare jateula fapea tupijuruni eghu Thugna God na ke kligna gaju fafatha, nei famamajani ke uludi keha naiknore.

Ululahu Kings 17:16

Flaoa nei oel teu igre ne theome tangomana te gnafa na jateula teke chekeni Lord ka mae Elija ia neu.