Matiu 19:22 - Buka Blahi Ka Cheke Holo

²² Kate nomhini cheke igne mae majaghani na, diꞌanagnafagna fara, naugna mana kaisei mae dedei fara. Aonu mana ne tei kokoni mae Jisas.

Matiu 19:22 ပူးပေါင်းရင်းမြစ်များ

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Efesus 5:5

Ghotilo themi la lasenihi igne, nafnata naikno te gnognoro nei edi nafnata glepo te diꞌa igre teuna, mare theo sapedi ka nauthoglu majaghani Kraes ghe God te funei frunini na. Eghuteuna jaola iheire te mamagnadi nodi glepo keha naiknore, mare theo sapedi jare naugna naikno igre jateu te tufru soruni mumuju eghu kolho.

Nonomho Te Keli Teke Risoi Mae Mak 10:22

Kate nomhini cheke igne, mana ne tei kokoni mae Jisas. Mana diꞌanagnafa naugna mana au nogna kmana glepo fara.

Matiu 16:26

Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!

Luku 18:23

Kate nomhini cheke igne, mana ne diꞌanagnafa fara, naugna mana kaisei mae te dedei fara.

Matiu 14:9

Mae King ne diꞌanagnafa fara. Nu mana neke nhaꞌa cheke ka naꞌa mala tusu ranghini unha te magnahagheni naꞌa na. Mana eni igne ke uludi mae tothoghei nafnakno teke ghamu balugna re, eghuteuna mare nomhinihi nogna nhaꞌa cheke mae Herod na. Aonu mae Herod cheke ka mae glokure mala eni unha te magnahagheni naꞌa na.

Nonomho Te Keli Teke Risoi Mae Mak 6:26

Mae king ne thono diꞌanagnafa fara. Mana theome magnahaghei teke fatheꞌoni nogna nhaꞌa cheke teke eni ka thugna gaꞌase na. Naugna mana neke nhaꞌa chekehi ka naꞌa ke uludi hatimare mae kheragna nafnaknore.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Matiu 19:21

Mae Jisas ne cheke eghu ka mana, “Te magnahaghei keli fara iagho ke ulugna God na, ulu lahu na iagho tei fofoli nou gobigna lepore, eghuteuna tei tufa sileni are ka naikno te kumare eghu. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na.”

Matiu 19:23

Mae Jisas ne cheke eghu ka nogna mae fanomhore, “Tutuani fara, te chekeni iara ka ghotilo na. Ninhigrana fara ranghini naikno te dedei na te ruma baludi naikno te funei frunidi God re.

Jone 16:20

Tutuani fara te chekeni iara ka ghotilo na. Naiknogna nauthoglu igne ginauna keli tadi fara ka unha nate eni mare ka iara na. Eghuteuna ghotilo ginauna tanhi nei diꞌanagnafa eghu, nu nomi diꞌanagnafa ghotilo na nake figri kau gleale'a.