Matiu 19:11 - Buka Blahi Ka Cheke Holo

¹¹ Mae Jisas ne cheke eghu ka mare, “Theome kmana naikno te laseni fakelini eigna tholaghi na. Nu God neke tusu ranghidi keha naiknoghu kolho glalase tangomana te mala laseni na.

Matiu 19:11 ပူးပေါင်းရင်းမြစ်များ

Ululahu Korin 7:17

Nu neubane tahati te gnafa na mala au fabrahu ka nafnata nakarha teke tusu ranghi ghita Lord na. Jateula nafnata nakarha teke au tahati kani teke kilo ghita God ia eghu. Igne u vetula te chekeni iara ka khiloau te gnafare.

Ululahu Korin 7:35

Iara chekeni igne ka ghotilo, naugna iara magnahaghei te togho ghami ghotilo. Eghuteuna iara theome magnahaghei te lhotini puhi tholaghi na ka ghotilo. Eigna iara magnahaghei ghami ghotilo te eni kolho unha te doglo na nei snakre ghami themi mala loku fabrahu ranghini Lord.

Ululahu Korin 7:2

Nu naugna kmana naikno gnognoro fara, eghume jame te keli na mae nalhaꞌu te gnafare nabagna te hata khetogna thegna, eghuteuna gaꞌase na jaola hata khetogna langau thegna.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Matiu 19:10

Mae fanomhore ne cheke eghu ka mana, “Te tuana ngala gaoghathogna te mala koko mana khetogna na, te keli na thosei tolaghi kolho eghu.”

Matiu 19:12

Naugna jare na soasopai gaoghatho te theome tolaghini keha naiknore. Keha naiknore neke karha mei baludi te mala theome tolaghi na. Eghuteuna keha naiknore neke eꞌei ka puhi naikno mala theome tolaghi. Eghuteuna keha naiknore theome tolaghi, naugna mare malagna nakarha te funei frunini God na. Nu naikno te magnahaghei tolaghi na mala leghuni farirhiu igne.”