Matiu 18:9 - Buka Blahi Ka Cheke Holo

⁹ Jame tathamu na batu fadiꞌa nigho mala theome fatutuani iagho teuna, kusu koko. Te keli na kaisei tathamu kolho te hata iagho thofno nakarha te theo ka huigna na. Igne ke keligna te kafe au teu phei tathamure te koko lao nigho mare Gehena ke lamnagna khaꞌaghi te theo ka glehegna na.”

Matiu 18:9 ပူးပေါင်းရင်းမြစ်များ

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Matiu 18:8

Jame khamemu ba ghahemu iagho na batu fadiꞌa nigho mala theome fatutuani iagho teuna, kusu koko. Te keli na hata koko vido thinimu te diꞌa tuana, eghuteuna ke leghu na iagho ginauna hata thofno nakarha te theo ka huigna. Igne ke keligna te kafe au teu phei khamemu nei phei ghahemu teu te koko lao nigho mare ka khaꞌaghi te theo ka lehegna na.

Matiu 5:29

Nu, jame te batu nigho tatha fei nhetamu na kau puhi te diꞌa na, iagho bilo koko. Theome keli te lisa lao iagho thinimu fateo na Gehena ka khaꞌaghi te karha fabrahu na. Te keli na iagho koko ngala vido ikoi tuana.

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Nonomho Te Keli Teke Risoi Mae Mak 9:47

Eghuteuna jame tathamu iagho na batu fadiꞌa nigho ka nakhibo, hata koko! Te keli na te kaisei tatha kolho te ruma iagho ka vido aheva God te funei frunidi fabrahu nogna naiknore. Theome keli te kafe au teu phei tathamure te tei iagho Gehena na.

Matiu 19:17

Mae Jisas ne cheke eghu ka mana, “Ghema, naugna unha sagho te mei hironi ka iara glepo te keli gnea? Kaisei thegna God ngala mae te keli na. Nu te magnahaghei hatini iagho nakarha fei tifa na, iagho leghudi vetula igre.”

Matiu 16:26

Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!