Matiu 18:6 - Buka Blahi Ka Cheke Holo

⁶ Mae Jisas ne cheke eghu, “Ihei te batu fadiꞌani nogna fatutuani kaisei sua ikoi ka igre te mala theome fatutuani ghau iara na, naikno tuana nabagna te haru kaisei thina biꞌo ka graragna na mala tei faknoknoho ka nhorora gno. Tutuani, jame te eghu mana na, puhi igne keli fara uluni God te parani mana ginauna, naugna mana neke batu fadiꞌani sua ikoi tuana.

Matiu 18:6 ပူးပေါင်းရင်းမြစ်များ

Nonomho Te Keli Teke Risoi Mae Mak 9:42

“Ihei te batu fadiꞌani nogna fatutuani kaisei sua ikoi ka igre te mala theome fatutuani ghau iara na, naikno tuana nabagna te haru kaisei thina biꞌo ka graragna na mala faknoknoho ka nhorora gno. Tutuani, jame te eghu mana na, puhi igne ke keli fara uluni God te parani mana ginauna naugna mana neke batu fadiꞌani sua ikoi tuana.

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Matiu 18:14

Jateula tuana eghu mae Kmami ghotilo te au kligna na. Mana theome magnahagheni kaisei ka sua igre te snivi ka nabrougna thofno nakarha te tutuani na.”

Nodi Khoje Hatimare Mae Jiu 105:15

Mana neke cheke eghu ka hatimare mae king, “Ghotilo thosei goigonidi naikno teke vavahi iara igre, nei ghotilo thosei eni kaisei glepo te diꞌa ka nogu mae mala cheke iara igre eghu mae Ebraham, mae Isak nei mae Jekop.”

Letas Teke Riso Tei Mae Pol Ka Khiloau Rom 14:21

Te keli na thosei ima nafnahi nei thosei koꞌu waen nei thosei eni kaisei glepo te tangomana te fadiꞌani nogna fatutuani kaisei kherami fofodu ka khiloau gne.

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.

Matiu 17:27

Nu tahati theome magnahaghedi mare te diꞌa tadi ka tahati. Eghume iagho tei kau kholo gno mala koko soru nou thaotagho na. Eghuteuna korho haghe sasa te kulu chakhi ka iagho na, tothora ka foflogna na. Iagho ginauna filoni kaisei sileni naba te mala takis phia mae na au jare. Aonu iagho tei foli noda takis tapa na.”

Matiu 18:5

Ihei te toghoni kaisei sua jateula sua igne teu ka nanghagu iara na, mana togho ghau la iara.”