Matiu 18:31 - Buka Blahi Ka Cheke Holo

³¹ Keha nogna mae gloku mae funei igre, filoni unha te eni mana ka keha mae gloku na. Mare jaglo nodi fara ne diꞌanagnafani mae kheradi na. Mare tei ne cheke ka nodi mae funei na unha te eni ka vido tuana.

Matiu 18:31 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Hibru 13:3

Ghathodi iheire te au ka sosolo, jateula te au themi baludila ka sosolo eghu. Eghuteuna ghathodi iheire te kabru, jateula te kabru themi eghu.

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Luku 19:41

Kate mei namo te filo laoni Jerusalem, mae Jisas ne kokhoni nognadi naiknogna namono tuana ne tanhi.

Luku 14:21

“Kate ke pulo mei mae gloku na teke toutonu gobigna lepo igre ka nogna mae funei na, nogna mae funei na ne diꞌatagna fara. Eghuteuna mana ne cheke eghu ka nogna mae gloku na, ‘Ghosei tei ka nabrou biꞌo ba nabrou ikodi gna namono gne, mala hata mei ka gaghamu gne iheire te kuma, iheire te dofu, ba iheire te blughu.’ Aonu, mae gloku na ne leghuni nogna mae funei na.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Jenesis 37:2

Igne u thoutonu eigna mae Jekop nei thugna mana re teuna. Mae Josep gne kaisei mae majaghani fara, nabotho fitu finogha gna kolho. Mana neke mae mala reireghi sipu nei nanigot eghu baludi mae ke biꞌogna re, mae ke biꞌogna mana igre neke thudi Bilha ghe Silpa, phei khetogna mae kmagna. Mae Josep neke posa toutonu koba ka mae kmagna na unha puhi te diꞌa teke edi mae ke biꞌogna re.

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Nodi Khoje Hatimare Mae Jiu 119:158

Kate filodi iara mae iheire tirodi fatutuani gre, iara diꞌatagu fara ka mare, naugna mare ne tirodi leghudi nou cheke iagho re.

Fapea Korin 11:21

Iara gleale'a eigna te chekeni iara na, ghehati neke theome eni kaisei glepo te diꞌa jateula mare eghu ka ghotilo! Iara frane te mala cheke fahaehaghe ka unha te cheke fahaehagheni mae ihei na, neuba iara ne cheke jateula kaisei mae te fameomekro neu.

Matiu 14:9

Mae King ne diꞌanagnafa fara. Nu mana neke nhaꞌa cheke ka naꞌa mala tusu ranghini unha te magnahagheni naꞌa na. Mana eni igne ke uludi mae tothoghei nafnakno teke ghamu balugna re, eghuteuna mare nomhinihi nogna nhaꞌa cheke mae Herod na. Aonu mae Herod cheke ka mae glokure mala eni unha te magnahagheni naꞌa na.

Matiu 18:28

“Nu kate jifla te tei na, mana ne ludeni kaisei mae kheragna gloku teke kaoni ka mana keha gobi dola. Mana ne lao sarakini mae kheragna tuana ne loku ka graragna na ne cheke faheta eghu, ‘Ke tughu fapulo ka iara unha teke kaoni iagho ka iara ra!’

Matiu 18:30

“Mae gloku ululahu igne ne tirogna fanomho ka unha te chekeni mana na. Aonu mana ne koko laoni mae kheragna na ka suga sosolo mala ke ghilei tughu fahui mana gobigna lepo teke kaoni mana re.

Matiu 18:32

“Mae funei na kilo meini nogna mae gloku tuana ne cheke eghu ka mana, ‘Ghema, iagho mae igne naikno diꞌa fara. Iara neke ghiha koko nou kaoni iagho ra naugna iagho neke tore ghau iara.