Matiu 18:17 - Buka Blahi Ka Cheke Holo

¹⁷ Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Matiu 18:17 ပူးပေါင်းရင်းမြစ်များ

Fapea Tesalonika 3:6

Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Ululahu Korin 5:9

Ka letas teke riso ari iara ka ghotilo tifei ia, iara neke chekehi ka ghotilo mala thosei fofodu baludi iheire te tapla jafra ka nakhibo are.

Profet Esikiel 11:12

Ka glepo igre, ghotilo ginauna laseni te iara Lord. Eghuteuna ghotilo ginauna laseni kate leghudi ghotilo nodi vetula keha kantri te lithui ghami ghotilo are, ghotilo huhughu di nogu vetula iara re, eghuteuna theome leghudi nogu cheke iara re.”

Esra 6:21

Eghume naikno Jiu teke pulo mei funudi Babilonia igre, mare ne kafe ghamu nafnahi gna fafara Ghasa-Polho igne. Eghuteuna naikno teke au faleghu teku, nu theome magnahaghei leghudi puhi te diꞌa te edi naikno bongihehe te au faligohodi teu mare igre teure, mare jaola ne mei mala tufru soru ka Lord, nodi God mae Israel, eghuteuna mare te gnafa na ne kafe ghamu ka fafara igne.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Luku 15:1

Kaisei fata, kmana mae te diꞌa mala salo takis, nei keha mae te diꞌa eghu ne khapru mei mala fanomho ka mae Jisas.

Matiu 11:19

Eghuteuna kate thoke mei iara te ghamu nei koꞌu teuna, naiknore cheke eghu, ‘Filoni si ghotilo ka mae igne! Ghamu nei koꞌu teuna ngala te glepo ulu fara ka mana na! Eghuteuna, mae te diꞌa te salo takis nei mae te diꞌa teu igre ngala kheragna mana re.’ Eghuteuna mare ginauna filoni nogna gaoghatho te keli God na kate thakle meidi unha te tutuani re.”

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Matiu 5:46

Jame te namhadi kolho ghotilo naikno te namha ghami themire, God ginauna na theome taba ghami ghotilo. Naugna mae te diꞌa te saosalo takis igre mare jaola eni tuana.

Matiu 6:7

Kate tarai na, ghotilo thosei tarai jateula mae bongihehe te chekedi nafnata cheke te theo nafudi kolho ra eghu. Kate tarai brahu na ame nomhidi nga God eghu mare gaoghathodire.

Matiu 10:3

mae Filip ghe mae Batolomiu; mae Tomas ghe mae Matiu, mae mala saosalo takis; mae Jemes thugna mae Alfius ghe mae Tadius;

Ululahu Korin 6:1

Jame kaisei ka ghotilo magra balugna kaisei thabusigna ka khiloau, ghotilo theome tangomana te hata te tei puhi tuana ka mae bongihehere mala fadoglini mare. Naugna u najafra tuana nodi gloku mae khiloau kolho te mala fadoglini na.

Josua 22:15

Kate posa lao mare ka namono Gilead, mare ne cheke baludi vikegna Ruben, nei vikegna Gad, nei vido gaga ka vikegna Manase te au ke maghatigna namono igne.