Matiu 18:15 - Buka Blahi Ka Cheke Holo

¹⁵ Mae Jisas ne cheke eghu, “Jame kaisei mae kheramu iagho ka khiloau eni fadiꞌa ranghi nigho kaisei glepo, iagho tei cheke ka mana eigna unha teke eni fadiꞌa mana ranghi nigho iagho na. Ghopa eni poru glepo igne farihoteimi themi. Te magnahaghei fanomho fakeli mana ka iagho na, iagho toghoni mana mala ke fofodu fapulo ghopa.

Matiu 18:15 ပူးပေါင်းရင်းမြစ်များ

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Kolose 3:13

Eghuteuna kate au nogna puhi fadiadiꞌa kaisei naikno ka ghotilo ranghini kheragna fofodu na, te keli na phiamare thosei magra, nu hata koko nakhibo fari thedi. Naugna Lord neke hata kokodi nakhibomi ghotilo re, jateula tuana eghu ghotilo mala hata koko nakhibo fari themi.

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Fapea Tesalonika 3:15

Nu thosei filo faparini jateula nomi naoka eghu. Te keli na ghotilo cheke faheta kolho ka mana, naugna mana kherada tahati ka khiloau.

Matiu 18:35

“Nu te chekeni iara ka ghotilo na, na jateula tuana eghu mae Kmagu iara te au kligna na ranghi ghami ghotilo te theome hata fadelei ghotilo ka nagnafamire nakhibodi kherami fofodu re.”

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Letas Teke Riso Tei Mae Pol Ka Khiloau Rom 12:21

Thosei snakreni puhi te diꞌa na mala tapla fapari ghami, nu tapla faparini unha te diꞌa na kate eni unha te keli na.

Ululahu Pita 3:1

Jaola gaꞌase tholaghi ra, mala leghudi khetomire. Tutuani keha mae re theome fatutuaniu ngala chekegna God na. Te keli na puhimi ghotilo re jame te mala korho meidi mala fatutuani mare. Jame te eni ghotilo igne na, ghotilo theome naba te chekeni kaisei glepo ka mare na.

Ululahu Korin 8:12

Ka puhi igne ghotilo jafra ranghini Kraes ka unha te jafra ghotilo ranghini mae kherami fofodu te theome nheta nagnafagna na.

Proveb 11:30

Puhigna mae te keli na, fakakhana nakarha te keli na. Eghuteuna ihei te autagna gaoghatho te keli na, toghodi keha naiknore mala athini karha na.

Fapea Korin 7:12

Iara neke risoni letas tuana theome eigna naikno te eni najafra na nei jaola theome risoni eigna naikno te khabru ghegna na. Nu iara risoni letas tuana mala tangomana ghotilo te filoni themi ke ulugna God tothogho biꞌo teke eni ghotilo ranghi ghami ghehati na.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Matiu 18:14

Jateula tuana eghu mae Kmami ghotilo te au kligna na. Mana theome magnahagheni kaisei ka sua igre te snivi ka nabrougna thofno nakarha te tutuani na.”

Matiu 18:21

Ke leghugna igne mae Pita mei ne ghusna eghu ka mae Jisas, “Lord, jame mae kheragu iara na eꞌei puhi diꞌa ranghi ghau iara fabrahu, niha fata nate hata fadelei iara nakhibogna manare? Thokei fitu fata kolho?”

Taetus 3:10

Nu mae iheinga ne faꞌeiꞌei magra, ba te fafoafota na, thosei snakreni mala eni fabrahu mana u puhi tuana eghu. Te phei fata cheke nga iagho ka mana te tirogna fanomho mana ka nou cheke iagho re, koko fakosini kau khiloau eghu.