Matiu 18:12 - Buka Blahi Ka Cheke Holo

¹² “Jame kaisei mae au nogna kaisei gobi sipu, eghuteuna dofi kaisei tadi, na faneha eghu mana? Mana na lisa laodi nhevasalei nheva sipu are ka thogele na mala hironi ghu te snivi na.

Matiu 18:12 ပူးပေါင်းရင်းမြစ်များ

Profet Esikiel 34:12

Eghuteuna iara ginauna na jateula mae te reireghi fakelidi nogu sipura eghu nake hata fodu meidi. Iara ginauna tei hirodi teke rikha ka narane te ninhigrana nei puhi biꞌo teku teke tei au tafri ka keha kantri delei ra. Uve, iara ginauna nake hata fapulo meidi.

Profet Esikiel 34:16

Iara ginauna tei hirodi nogu sipu te snivi ra, teke tei jafra ra, teke tei tafri kolho ra, eghu mala ke pulo mei reꞌe. Eghuteuna iara ginauna nake pipiha thubu teke fnera ra mala tangomana reꞌe teke keli fapulo na eghuteuna teke nigra ra ginauna nake nheta fapulo. Nu iara ginauna aknu falehe te blokha nei nheta teu igre, naugna iara mae mala reireghi sipu ka puhi te doglo.

Profet Esikiel 34:28

Naiknodi keha kantri are ginauna theome tangomana nate blau nodi gobigna lepore, eghuteuna glepo ka namhata na are ginauna theome tangomana nate falehedi te ghamudi re. Mare ginauna tangomana te au fakeli nodi, eghuteuna ginauna na theo kaisei naikno te tangomana nate famamhaghudire.

Profet Esikiel 34:6

Nogu sipu iara igre tei tafri ke kligna gukhu ba ke kligna thogele. Reꞌe tei tafri ka vido te gnafa ka nauthoglu igne, nu theo kaisei naikno te tei te hirodi, ba fariuriu filodi.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Matiu 12:11

Mae Jisas ne cheke eghu ka mare, “Jame kaisei mae ka ghotilo au nogna sipu. Eghuteuna sipu tuana snoꞌo lamna khora kau narane Sabat. Mana ginauna korho fajiflani kau khora na.

Profet Jeremaea 50:6

“Nogu naikno iara igre neke tei snivihi, jateula mae ihei te reireghi sipu teke batu fadiꞌadi teke tei snivi tafri ke kligna thogele ba gukhu te theome laseni nodi namono ra neku.

Nodi Khoje Hatimare Mae Jiu 119:176

Iara jateula sipu te tei snivi ra eghu la tei jafra kau nabrou te keli na. Eghume, mei sagho hiro ghau iara nou mae gloku gne, naugna iara gne theome ghatho ihoni nou vetula iagho na.

Matiu 21:28

Mae Jisas ne toutonuni kaisei cheke naba eidi phei mae thabusigna. Mana ne cheke eghu ka mare, “Cheke meini ghotilo ka iara gaoghathogna cheke naba igne. Kaisei mae au phei thugna nalhaꞌu. Aonu, mana tei ne cheke eghu ka mae thugna ulu lahu na, ‘Thuguo, gognarona iagho tei mala loku ka nogu nagare iara ia.’

Ululahu Korin 10:15

Iara cheke ka ghotilo iheire te lalase ra mala vahini themi unha te chekedi iara tami gre, te doglo ba theo.

Matiu 22:42

“Unha eghu ghotilo gaoghathomi na eigna mae Kraes gne? Vikegna mae ihei si mana gnea?” Hatimare mae Farasi ne cheke eghu ka mana, “Mae Kraes gne vikegna mae Devet.”

Ululahu Kings 21:17

Nu Lord ne cheke eghu ka Profet Elija, maegna Tisbe igne,

Profet Esikiel 34:4

Ghotilo theome toghodi kolho iheire te nigra mala ke nheta fapulo. Eghuteuna ghotilo theome pipiha thubudi iheire te ghoreho mala ke keli fapulo. Ghotilo theome hirodi kolho iheire te snivi mala ke hata fapulo meidi. Nu ghotilo paradi kolho mare.

Matiu 18:13

Tutuani fara te chekeni iara ka ghotilo na. Kate filo deni mana sipu tuana, mana ginauna gleale'a fara eigna sipu tuana ke tulaodi nhevasalei nheva sipu teke theome snivi igre.