Matiu 17:6 - Buka Blahi Ka Cheke Holo

⁶ Kate nomhini thilo mae fanomhore cheke igne, thilomare mhaghu fara ne pogho soru pari.

Matiu 17:6 ပူးပေါင်းရင်းမြစ်များ

Fapea Pita 1:18

Ghetilo themi neke nomhini naogla igne neke mei funu kligna kate au ghetilo balugna mae Jisas ka thogele blahi na.

Mae Khuru 26:14

Ghehati ne kafe khoko soru ka glose na. Aonu iara ne nomhini kaisei naogla ne cheke mei ka iara ka cheke Hibru. Mana ne cheke eghu, ‘Sol, Sol, naugna unha sagho te para ghau iara gnea? Iagho khogla para nigho themu kolho kate fariuriu magrini nogu gaoghatho iara na.’

Mae Khuru 22:7

Iara khoko soru ka glose na ne nomhini kaisei naogla ne cheke eghu, ‘Sol, Sol, naugna unha sagho te para ghau iara gnea?’

Profet Daniel 8:17

Aonu, mae Gabriel ne mei kegra rhegu iara. Kate filoni mana na, iara ne khoko soru pari, naugna iara ne mhaghu nogu fara. Mana ne cheke eghu ka iara, “Iagho maemu ka nauthoglu igne. Iagho mala laseni gaoghathogna mifi igne. Mifi te filoni iagho igne thotoghale eigna narane leghu lahu na.”

Profet Esikiel 43:3

Tharunga te Blahi na ne fakakhana ka iara, eigna mifi igne kaisei nanaba kolho jateula keha mifi teke kulu filodi iara ka narane te mei mana te roꞌeni Jerusalem ra eghu kolho. Eghuteuna mifi igne jaola nanaba ka keha mifi teke filodi iara ka khoꞌu biꞌo Keba tifa ra. Aonu, iara ne thuru fapogru soru tathagu nei foflogu teure pari ka glose na.

Profet Esikiel 3:23

Aonu iara tei ne kegra ka sare biꞌo igne. Eghuteuna iara ne filoni siasiglagna nogna nolaghi biꞌo Lord igne thono siasigla fara. Siasigla igne jateula siasigla biꞌo teke filoni iara tifa ka gerigna khoꞌu biꞌo Keba, eghuteuna iara thuru soru baludi tathagu nei foflogu teure ka glose na.

Ululahu Kronikols 21:16

King Devet ne filoni Engel nogna Lord na kegra neu farihotei maloa ghe nauthoglu, eghuteuna mana louloku kaisei naflahi ka khamegna na tarabana mala goigonini Jerusalem. Eghuteuna mae Devet nei hatimare mae lida pogho soru pari ne tei posa ka glosero pari. Ka narane tuana mare ne pipichi ka pohe diꞌanagnafa, fagaglanagna nodi diꞌanagnafa na.

Jajis 13:22

Manoa mhaghu nogna fara ne cheke eghu ka khetogna na, “Tapa ginauna lehe, naugna tapa la filoni God!”

Levitikas 9:24

Khaꞌaghi na megei nga ne jifla mei ka vido te au teu Lord na ne gnhubra fahui nafnahi te gnafa nei garofadi teu fafara ka olta na. Eghuteuna kate filoni igne, naiknore ne thagru fabiꞌo ne pogho soru ka glose na.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 17:7

Mae Jisas mei ne habo ka thilomare ne cheke eghu ranghidi, “Kegra haghe, thosei mhaghu.”