Matiu 17:5 - Buka Blahi Ka Cheke Holo

⁵ Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 17:5 ပူးပေါင်းရင်းမြစ်များ

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Nonomho Te Keli Teke Risoi Mae Mak 9:7

Ka vido tuana kaisei gromno ne mei toku tafrudi mare. Eghuteuna thilomare ne nomhini God te cheke eghu mei funugna kau gromno na, “Igne thofno mae Thugu iara na. Iara namhani fara mana. Ghotilo fanomho fakeli ka unha te chekedi mana re!”

Diutronomi 18:15

Mana ginauna kuruni kaisei mae profet jateula iara eghu mala mei ka ghotilo. Mae profet igne kaisei mae kherami ghotilo, eghuteuna ghotilo ginauna mala leghuni mana.

Jone 3:35

God Mama ne namhani fara mae Thugna na ne tusu lao ka mana u nolaghi te mala funei frunidi gobigna lepore.

Nonomho Te Keli Teke Risoi Mae Mak 1:11

Ka vido tuanala kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Luku 3:22

eghuteuna Tharunga te Blahi na ne soru mei ke kligna gna mana jateula balhu neu. Kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Diutronomi 18:19

Mana ginauna cheke ka nanghagu iara, eghuteuna ihei te theome leghuni mana na, iara ginauna parani mae igne.

Mae Khuru 7:37

“Mae Moses igne neke cheke eghu ka naiknodi Israel re, ‘God ginauna na fakegra ranghi ghami ghotilo kaisei mae profet jateula iara eghu.’

Jone 5:37

Uve, mae Mama mae ihei teke kuru mei ghau iara na, mana thegna neke cheke eigu la iara. Ghotilo neke theome nomhini u naoglagna mana na, nei theome filoni la mana.

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Profet Isaia 42:21

Lord kelitagna fara te kilo fnakno ka puhigna mana te doglo. Eghuteuna mana magnahaghedi fara nogna naiknore te kilo fnaknoni mana nei nogna vetula.

Diutronomi 5:22

Aonu mae Moses ne cheke eghu, “Igre unha teke chekedi Lord ka tahati re, kani teke salo fodu tahati ka pesigna thogele ia. Mana neke cheke faheta mei ka tahati ke lamna khaꞌaghi nei khoveo te thono romno fara. Vetula igre kolho teke chekedi mana ka narane tuana, aonu mana neke rioriso nogna chekere ke klignadi phei thina tataba neke tusu phei thina igre ka iara.”

Eksodas 19:19

Eghuteuna naoglagna khufli igne ne taitanhi fabiꞌo fara. Eghuteuna leuleghu fata na mae Moses cheke, eghuteuna God ne cheke tughu ka mana jateula fila biꞌo te poha ra neu.

Mae Khuru 1:9

Ke leghugna te gnafa facheke mana igne, God ne hata hagheni mana kligna kate filo teu mare na. Aonu kaisei khoveo mei ne toku tafruni mana kau tathadi hatimare nogna mae khurure.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Thoutonu Eigna Mae Job 38:1

Aonu nogna cheke tughu Lord ka mae Job na ne jifla mei ka kaisei khoburu. Mana ne cheke eghu:

Matiu 17:6

Kate nomhini thilo mae fanomhore cheke igne, thilomare mhaghu fara ne pogho soru pari.

Thakle 14:14

Ke leghu na iara ne filoni kaisei grokho vegha, eghuteuna ke kligna gna grokho igne iara filoni kaisei mae jateula mae teke mei funu ka God eghu filogna na. Mana ne gnokro neu ke kligna gna u grokho na. Ka pha'ugna na au kaisei khepi nafnakno teke hohoro ka gol, eghuteuna ka khamegna na louloku kaisei naflahi thagho te fnonu fara.