Matiu 17:20 - Buka Blahi Ka Cheke Holo

²⁰ Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Matiu 17:20 ပူးပေါင်းရင်းမြစ်များ

Luku 17:6

Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Nonomho Te Keli Teke Risoi Mae Mak 11:23

Uve, tutuani fara, te chekeni iara ka ghotilo na. Jame kaisei mae ka ghotilo theome ghatho peapea nu fatutuani ni unha te chekeni na teuna, mana tangomana te cheke eghu ka thogele igne, ‘Kegra haghe tei krofu ka thongna gno.’ Glepo tuana ginauna na leghuni ngala unha te chekeni iagho na.

Luku 18:27

Mae Jisas ne cheke eghu, “Tutuani fara, God na tangomana te eni unha te theome tangomana te eni naikno na.”

Luku 1:37

Naugna theo kaisei glepo te ninhigrana ranghini God na.”

Matiu 21:21

Mae Jisas ne cheke eghu ka mare, “Tutuani fara te chekeni iara ka ghotilo na. Te fatutuani ghotilo te theome ghatho peapea na, ghotilo ginauna tangomana te eni unha teke eni iara ka gaju igne. Eghuteuna ghotilo ginauna tangomana te edi glepo ke biꞌodi igrei. Ghotilo ginauna tangomana te cheke eghu ka thogele igne, ‘Kegra haghe tei krofu ka nhorora gno.’ Te fatutuani ghotilo na, thogele tuana na kegra tei krofu ka nhorora gno.

Nonomho Te Keli Teke Risoi Mae Mak 9:23

Mae Jisas ne cheke eghu ka mana, “Uve, te toreni iagho ka iara na, glahula me tangomana iara te togho nigho na. Te chekeni iara ka iagho na. Mae ihei te fatutuani ni God na, gobigna lepore tangomana ngala ka mana.”

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Matiu 13:31

Mae Jisas ne toutonu ranghidi keha cheke naba na. Mana ne cheke eghu, “Narane God te funei frunidi nogna naiknore jateula sisi gaju mastad ia eghu. Kaisei mae neke joꞌu sisi kau nagare na.

Jone 11:40

Mae Jisas ne cheke eghu ka naꞌa, “Mafa, kela ghatho ihoni sagho teke cheke ranghi nigho iara ia? Te fatutuani ghau iara iagho na, iagho tangomana te filoni fagaglana gna nogna nolaghi biꞌo God na.”

Nonomho Te Keli Teke Risoi Mae Mak 4:31

Uve, jateula sisi gaju mastad te joꞌu tahati ka nagare na ia eghu. Sisi gaju mastad igne thono iko lahu ka keha sisi kau nauthoglu igne.

Hibru 3:19

Eghume te laseni tahati na, mare theome tangomana te thoke ka namono te mala gnafa na naugna mare ne theome fatutuani ni God.

Matiu 17:17

Mae Jisas ne cheke eghu, “Tore, ghotilo naikno gre theome fatutuani ni God kolho! Puhimi ghotilo re thono kafe jafra fara! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Ululahu Korin 12:9

Ka kaisei naikno Tharunga te Blahi na tusu ranghini nolaghi te mala thofno fatutuani. Eghuteuna ka keha naikno na tusu ranghini nolaghi te mala fakelidi iheire te fogra.

Matiu 17:9

Kate soru mare ka thogele na, mae Jisas ne cheke faheta eghu ka thilo mae fanomhore, “Glepo te filoni ghotilo ka thogele na igne, thosei toutonuni ka iheinga ghilei thokeni narane iara mae teke mei funu ka God na teke karha fapulo ka glehe. Aonu, ame toutonuni nga ghotilo eghu.”

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Matiu 17:19

Ke leghugna igne, hatimare mae fanomhore megei nga ne mei ka mae Jisas ne ghusna eghu ka mana, “Naugna unha site theome tangomana ghami ghehati te brueni naitu ignea?”

Nonomho Te Keli Teke Risoi Mae Mak 11:22

Mae Jisas ne cheke eghu ka mare, “Fatutuani ni God ngala si ghotilo.

Matiu 14:29

Mae Jisas ne cheke eghu ka mae Pita, “Mei!” Mae Pita jifla ka mola na ne funu nonolo ke tagru kholo na ne tei ka mae Jisas.