Matiu 16:3 - Buka Blahi Ka Cheke Holo

³ Eghuteuna fei hamerane na ghotilo cheke eghu, ‘Uve, ginauna nake nakhete naugna maloa gne kela ghoghomo fabrahu.’ Eghume ghotilo laseni fara gaoghathodi glepo igre kate filo glani ghotilo maloa gne. Neuba ghotilo theome laseni ngala puhigna God te doglo na! Nu ghotilo mae chaichaghi kolho, naugna ghotilo ne theome tangomana te filo glanidi kolho unha te edi God gognaro gre.

Matiu 16:3 ပူးပေါင်းရင်းမြစ်များ

Luku 12:56

Kate mei khoveo na, ghotilo ginauna filo glanini nate meigna nakhete ba nuri na. Tutuani, ghotilo laseni fara gaoghathodi glepo igre kate filo glani ghotilo maloa gne. Neuba, ghotilo theome laseni puhigna God te doglo na! Nu ghotilo mae chaichaghi kolho! Naugna unha si ghotilo te theome tangomana te filo glanidi kolho unha te edi God gognaro grea?”

Ululahu Kronikols 12:32

Ka vikegna mae Isaka, mare au phei gobi ofisa balu nodi soldia. Mae ofisa igre au tadi gaoghatho te keli, nei lasedi unha glepo te thoke mei ba unha glepo te edi naiknodi Israel.

Luku 13:15

Mae Jisas ne cheke eghu ka mana, “Ghotilo gne lase chaghi fara. Ghotilo te gnafa na, neubane narane Sabat, ghotilo rurutha gnarhodi nomi buluka ba dongki re, eghuteuna batuni tei mala koꞌu reꞌe ka narane tuana.

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Luku 11:44

“Puhi biꞌo ka ghotilo, mae Farasi ra! Naugna ghotilo jateula beku te theome fagaglana te theome laseni te tathapla naikno ra eghu.”

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Matiu 22:18

Nu mae Jisas lasedi mae igre fariu saosagroni kolho mana. Aonu mana ne cheke eghu ka mare, “Ghotilo mae chaichaghi! Naugna unha site fariu saosagro ghau iara ghotilo gnea?

Matiu 15:7

Ghotilo mae chaichaghi fara! Unha teke chekeni God ka mae profet Isaia eimi ghotilo tifa ia thono tutuani fara.

Matiu 7:5

Ghema, iagho thono jafra tutuani fara! Kulu koko ghu sagho najafra biꞌo jateula phugra gaju biꞌo teu ka tathamu themu ana. Aonu, iagho ginauna tangomana te fifilo fakeli te mala fateni mae kheramu fofodu na, te mala toghoni mana te hata koko iagho najafra ikoi jateula nafrungho gaju teu ka tathagna mana na.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Hibru 5:14

Nu ihei te ghamu gano te maku na mana jateula mae tela biꞌohi eghu. Nafnata naikno tuana au fabrahu tagna gaoghatho te keli mala laseni unha glepo te keli ba unha glepo te diꞌa.