Matiu 16:26 - Buka Blahi Ka Cheke Holo

²⁶ Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!

Matiu 16:26 ပူးပေါင်းရင်းမြစ်များ

Thoutonu Eigna Mae Job 27:8

Kate kato kusu God nakarhagna ihei te diꞌa na, gobigna lepo teke ghatho tahudi mana re ari theo nafudi.

Luku 9:25

Eghuteuna jame kaisei mae dedei fara ka nauthoglu igne, nu lehe mana teuna, glepo igre ginauna na theome toghoni mana. Thono theo fara.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Matiu 5:29

Nu, jame te batu nigho tatha fei nhetamu na kau puhi te diꞌa na, iagho bilo koko. Theome keli te lisa lao iagho thinimu fateo na Gehena ka khaꞌaghi te karha fabrahu na. Te keli na iagho koko ngala vido ikoi tuana.

Thoutonu Eigna Mae Job 2:4

Nu Satan ne cheke eghu, “Naikno na tangomana te lilisei nogna gobigna lepore mala fakarhini thegna.

Matiu 16:25

Naugna mae ihei te magnahaghei taji fakelini kolho nakarhagna thegna na, mana lisa laoni kolho thofno nakarhagna na. Nu mae ihei te snakreni nakarhagna na malagu iara teuna, mana na loku famaku thofno nakarhagna na.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.