Matiu 16:24 - Buka Blahi Ka Cheke Holo

²⁴ Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Matiu 16:24 ပူးပေါင်းရင်းမြစ်များ

Matiu 10:38

Ihei te magnahaghei leghu ghau iara teu nu theome pala nogna gaju fafatha na, na eghunu lehe nogna teuna, mana theome nabagna te kiloni nogu mae fanomho iara.

Luku 14:27

Ihei te magnahaghei leghu ghau iara teunu theome pala nogna gaju fafatha na eghunu lehe nogna teuna, mana theome nabagna te kaisei nogu mae fanomho iara na.

Nonomho Te Keli Teke Risoi Mae Mak 10:21

Mae Jisas filo tutu ka mana balu namha ne cheke eghu, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na.”

Fapea Timoti 3:12

Uve, mae ihei te magnahaghei thofno leghuni mae Jisas Kraes te mala nogna mae gloku keli mana na, naiknore ginauna parani mana.

Nonomho Te Keli Teke Risoi Mae Mak 8:34

Ke leghugna igne mae Jisas ne kilodi naiknore baludi nogna mae fanomhore ne cheke eghu ka mare, “Mae ihei te magnahaghei mei ke leghugu iara na, mana thosei ghathoni kolho thegna, nu mana sasaꞌa leghu ghau iara mala lehe ka gaju fafatha.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Jone 19:17

Jisas pala nogna gaju fafatha thegna na ne jifla ka namono biꞌo na ne tei ka thogele te kiloi “Khorongosa”, ka cheke Hibru na “Golgota”.

Ululahu Tesalonika 3:3

Ghehati kuru arini mana mala theo kaisei ka ghotilo te figri fapulo ka nogna fatutuani na eidi naꞌau papara gognaro gre. Eigna ghotilo themi lasedi nafnata naꞌau papara igre u gaoghathogna God malada tahati.

Matiu 27:32

Ka nabrou na, mare mei ne thafoni kaisei mae nanghagna na mae Simon, maegna ka namono biꞌo Saerini. Mae soldia igre ne huhuruni mana mala pala nogna gaju fafatha mae Jisas na.

Nonomho Te Keli Teke Risoi Mae Mak 15:21

Kate tei ka nabrou na, mare tei ne thafoni kaisei mae gna Saerini, mana mei funu ke kosi Jerusalem. Mae igne nanghagna na mae Simon, kmadi mae Aleksada ghe mae Rufas. Eghuteuna mae soldiare ne huhuruni mana mala pala nogna gaju fafatha mae Jisas.

Luku 23:26

Mae soldiare ne hata fadeleini mae Jisas. Ka narane tuana kaisei mae ne posa mei funugna ka namono Saerini, nanghagna na mae Simon. Eghuteuna mae soldiare ne huhuruni mae Simon mala pala nogna gaju fafatha mae Jisas na mala tei ke leghugna mana.

Jone 21:19

Cheke igre mae Jisas ne kulu cheke thakledi ka mae Pita, mala kulu laseni mana unha nafnata glehe nate ludeni mana ginauna, mala kilo fnaknoni God. Aonu, mae Jisas ne cheke eghu ka mae Pita, “Pita, mei leghu ghau iara!”

Jone 21:22

Mae Jisas ne cheke eghu ka mae Pita, “Uve, jame iara magnahagheni mana te karha teu teke ghilei pulo mei iara na, tuana theome glepo ulu ka iagho. Mei sagho leghu ghau iara!”

Ululahu Pita 2:21

God neke kilo ghamihi mala eni igne, naugna mae Kraes neke papara fara mala fakarha ghami ghotilo. Mana neke falalase ka ghotilo nogna puhi na mala leghuni ghotilo ginau.