Matiu 16:21 - Buka Blahi Ka Cheke Holo

²¹ Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Matiu 16:21 ပူးပေါင်းရင်းမြစ်များ

Matiu 17:12

Nu te chekeni iara ka ghotilo na, mae Elija na la meihi. Eghuteuna naiknore theome laseni ngala mana. Mare neke edi kmana glepo te diꞌa ranghini mana leghudi nodi gaoghatho thedire. Nu mare ginauna na jateula tuana eghu ranghi ghau iara mae teke mei funu ka God.”

Matiu 27:63

Mare ne cheke eghu ka mana, “Mae biꞌo, ghehati kela ghathoni teke cheke eghu mae te chaichaghi ia kani karha tekeu mana ia, ‘Iara ginauna nake karha fapulo ka fatilo narane na.’

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Luku 17:25

Nu ulu lahu na hatimare mae biꞌo nei mae pris ulu nei mae velepuhigna vetula nogna mae Moses eghu re ginauna na para ghau iara, eghuteuna naikno gognaro gre ginauna tirodi ghau iara.

Luku 24:46

Mana ne cheke eghu ka mare, “Igne unha teke chekeni ka grioriso te blahi na, ‘Mae Kraes na mala lehe eghuteuna ka fatilo narane na mana nake kegra fapulo.’

Nonomho Te Keli Teke Risoi Mae Mak 8:31

Aonu mae Jisas ne funu farirhiudi nogna mae fanomhore ne cheke eghu ka mare, “Iara mae teke mei funu ka God na, mare ginauna na para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Matiu 26:47

Kate cheke teu mae Jisas igne, mae Judas ne posa mei. Mae Judas gne kaisei mae ka hatimare nabotho phei mae fanomho igre. Kmana naikno hata ne mei naflahi nei nanala eghu balugna mae Judas. Eghuteuna mae pris ulu nei keha mae biꞌo eghu teke kuru meidire.

Matiu 26:2

“Ghotilo lasenihi, nauriha na narane Gaghamu Ghasa-Polho. Ka narane tuana mae te majora ghau iara na ginauna snakre lao ghau iara ka khamedi nogu naoka iara re mala tupijuru ghau iara ka gaju fafatha.”

Matiu 27:12

Mae Jisas ne theome cheke tughu ka nodi fathoro hatimare mae pris ulu nei hatimare goro mae biꞌo.

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Nehemaea 12:7

mae Salu, mae Amok, mae Hilkaea, nei mae Jedaea. Mae igre nodi lida hatimare mae pris ka narane mae Jesua teke mae pris biꞌo na.

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Matiu 16:22

Mae Pita hata fadeleini mae Jisas ne cheke farheta eghu ka mana, “Lord, thosei cheke eghu sagho! God jame theome snakreni tuana ka iagho!”

Matiu 17:9

Kate soru mare ka thogele na, mae Jisas ne cheke faheta eghu ka thilo mae fanomhore, “Glepo te filoni ghotilo ka thogele na igne, thosei toutonuni ka iheinga ghilei thokeni narane iara mae teke mei funu ka God na teke karha fapulo ka glehe. Aonu, ame toutonuni nga ghotilo eghu.”

Matiu 28:6

Mana theome au agne. Mana kela kegra fapulohi glehe, jateula teke chekenihi mana ia eghu. Mei si ghopa filoni aheva teke au thinigna mana na.

Nonomho Te Keli Teke Risoi Mae Mak 9:12

Mae Jisas ne cheke eghu ka thilomare, “Tutuani fara, mae Elija gne mala kulu mei mala kulu tarabanau gobigna lepore. Naugna unha si grioriso te blahi gne te chekeni na mae teke mei funu ka God gne ginauna mare na parani nei filo fadiꞌani eghu teu gnea?