Matiu 16:20 - Buka Blahi Ka Cheke Holo

²⁰ Ke leghugna igne mae Jisas ne cheke farheta ka nogna mae fanomhore mala thosei toutonu ka ihei nga te mana ngala mae Kraes na.

Matiu 16:20 ပူးပေါင်းရင်းမြစ်များ

Nonomho Te Keli Teke Risoi Mae Mak 8:30

Mae Jisas ne cheke faheta ka mare, “Thosei cheke eigu iara ka ihei nga.”

Luku 9:21

Mae Jisas ne cheke faheta ka mare mala thosei toutonu ka ihei nga eigna igne.

Jone 1:41

Glepo ulu lahu teke eni mae Aduru na, mana tei ne hironi mae Simon ne cheke eghu ka mana, “Ghepa la filonihi mae Mesia teke ofoni tahati ia!” Mae Mesia teu igne gaoghathogna na “Mae Kraes.”

Matiu 17:9

Kate soru mare ka thogele na, mae Jisas ne cheke faheta eghu ka thilo mae fanomhore, “Glepo te filoni ghotilo ka thogele na igne, thosei toutonuni ka iheinga ghilei thokeni narane iara mae teke mei funu ka God na teke karha fapulo ka glehe. Aonu, ame toutonuni nga ghotilo eghu.”

Luku 9:36

Kate gnafa cheke igne, thilomare filoni mae Jisas kegra neu thegna. Mae Pita, mae Jemes, nei mae Jone eghu ne au kmu, eghuteuna ka narane tuana thilomare ne theome toutonu ka ihei unha teke filoni thilomare na.

Matiu 8:4

Aonu mae Jisas ne cheke eghu ka mana, “Thosei toutonu tafri eigna igne ka ihei nga. Nu iagho doglo tei ka mae pris mala kulu filoni mana thinimu na. Eghuteuna ke leghugna igne iagho tei eꞌei fafara leghuni unha te chekeni mae Moses ia, mala laseni naiknore teke la keli fapulohi iagho na.”

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Ululahu Jone 2:22

Eghume ihei gne naikno te chaichaghi na eghu? Naikno te chekeni mae Jisas na theome mae Kraes teu igne. Nafnata naikno tuana nogna naoka mae Kraes. Mana theome fatutuani ni Mama ba Thugna.

Mae Khuru 2:36

“Eghume naikno te gnafa Israel mala lase fakelini eigna God neke vahini mae Jisas mala Lord nei Kraes. Nu ghotilo neke faleheni mana kau gaju fafatha.”

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Nonomho Te Keli Teke Risoi Mae Mak 9:9

Kate soru mare ka thogele na, mae Jisas ne cheke faheta eghu ka thilo mae fanomhore, “Glepo te filoni ghotilo ka thogele na igne, thosei toutonuni ka iheinga ghilei thokeni narane iara mae teke mei funu ka God nake karha fapulo ka glehe. Aonu, ame toutonuni nga ghotilo eghu.”

Matiu 1:16

mae Jekop na neke kmagna mae Josep khetogna Meri, idogna mae Jisas mae te kiloni Kraes.

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Jone 11:27

Mafa ne cheke eghu ka mana, “Uve, Lord. Iara fatutuani nigho iagho te mae Kraes Thugna God na. Iagho ngala mae ihei te ofoni ghehati te mala mei kau nauthoglu igne.”