Matiu 16:18 - Buka Blahi Ka Cheke Holo

¹⁸ Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Matiu 16:18 ပူးပေါင်းရင်းမြစ်များ

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Kolose 1:18

Mae Kraes ngala pha'ugna khiloau na, eghuteuna khiloau na jateula thinigna mana eghu, eghuteuna nakarhagna khiloau na mei funu ka mana. Mana ngala mae ulu lahu teke karha fapulo ka glehe na. Eghume mae Jisas ngala pha'udi gobigna lepo fateote'o re.

Jone 1:42

Mae Aduru hatani mae Pita ne tei ka mae Jisas. Mae Jisas ne filo ka mae Pita ne cheke eghu ka mana, “Gognarona nanghamu iagho na mae Simon, thugna mae Jone, eghuteuna ginauna mare na kilo nigho iagho mae Sifas.” Nangha igne gaoghathogna na “mae Pita” ba “thina.”

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Mae Khuru 2:47

nei kilo fnaknoni God. Eghuteuna naiknore ne keli tadi ka mare. Aonu leuleghu narane na God fakarhidi keha naikno te ruma mei ke lamnagna nodi tothoghei naikno khiloau re.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Efesus 5:32

U cheke tuana e poru gaoghathogna na eghuteuna iara cheke eidi tuare agne naugna cheke tuana jaola cheke eigna Kraes nei nogna khiloau.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Proveb 24:7

Naikno te fameomekro na theome tangomana te laseni gaoghatho te keli nei glalase teuna. Mana theome tangomana te cheke fakeli ka nodi faidu mae biꞌore.

Thoutonu Eigna Mae Job 38:17

Ba, iagho neke filohi grengatha ka namonodi naikno te lehe te thofno romno fara ia?

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Mae Khuru 8:1

Nu ka gaoghathogna mae Sol na, glepo keli kolho mare te faleheni mae Stivin na.

Nodi Khoje Hatimare Mae Jiu 9:13

Lord, kokhoni ghau iara! Filo meidi khabru nei diꞌanagnafa teu tela edi ka iara nogu naoka gre. Hata fapulo ghau, naugna iara gne la namohi kau glehe.

Ululahu Timoti 3:5

Eigna jame kaisei mae te theome baubatu fakelini tharaknagna na, mana ginauna theome tangomana te baubatu fakelini la nogna khiloau God na.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Matiu 18:17

Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Matiu 11:23

Ghotilo naikno te au Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehi ra. Nu jame filodi naikno te diꞌa ka namono Sodom kofubobhoi te edi God ka ghotilo igre meuna, naikno te diꞌa di Sodom igre jame tughu nagnafahi. Eghuteuna namono Sodom gne jame au ngala gognaro na.

Matiu 10:2

Igre nanghadi nabotho phei mae nogna khuru mana re: Ulu lahu na mae Simon, te kiloni mae Pita ghe mae Aduru tahigna na; mae Jemes ghe mae Jone, phei thugna mae Sebedi;

Nodi Khoje Hatimare Mae Jiu 69:12

Leuleghu fata na mare salo fodu ka namono na mala buiburi ghau iara, eghuteuna mae te koꞌu te dranga re jaola edi keha khoje te diꞌa eigu iara.

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Ululahu Korin 15:55

“Glehe, aheva nou nolaghi te mala funei frunidi iagho naiknore? Glehe, aheva nou nolaghi iagho te mala goigonidi naiknore?”

Profet Isaia 38:10

“Fari hotei ka nakarhagu na, iara ginauna tei salaꞌu ka bara gna Beku na. Eghuteuna keha finogha ka nakarhagu iara na jame sokmo kolho.

Profet Isaia 28:6

Mana ginauna tusu lao gaoghatho te doglo ka iheire te lase fate, eghuteuna mana ginauna toghodi nogna naiknore mala kegra heta nei reireghi fakeli eghu nodi namono na ka mae naoka.

Nodi Khoje Hatimare Mae Jiu 107:18

Mare tirodi ima ne namo lehe kate fogra te au papara na.

Fapea Samuel 18:4

Aonu mana ne cheke eghu ka mare, “Uve, iara na leghuni unha te chekeni ghotilo igne.” Kate jifla te tei mare na, mae Devet tei ne kegra ka grengatha gna namono te bara te ligoho ka thina na. Hatimare mae soldia jifla ne tei ka tothoghei kaisei thogha mae nei kaisei gobi mae.

Nodi Khoje Hatimare Mae Jiu 127:5

Eghume mae ihei te au kmana thugna na, mana thono keli tagna fara. Glahula te hatani mana te tei nogna naoka re ka fate na, thugna mana re ginauna toghoni mana mala kegra haghe balugna mala tapla sorudi nogna naoka re.

Nodi Khoje Hatimare Mae Jiu 129:2

Funu ka narane tuana te mei posa gognaro gne, hatimare mae naoka gre ngolhi ghita nei goigoni ghita eghu tahati, nu mare theome tangomana te ulu ghita tahati na eghu.

Profet Jona 2:6

Iara jateula te plulu ke pari pesi thogele ra eghu. Iara jateula te au ka suga sosolo ra eghu ke pari glose eghuteuna iara theome tangomana te jifla na. Nu iagho Lord nogu God fakarhi ghau jateula iagho teke atha fajifla ghau ka beku ia eghu.

Matiu 4:18

Kate lilihi te tei mae Jisas ka grathagna Kholo Galili, mana ne filodi phei mae thabusigna te ugra sasa, mae Simon mae te kiloi Pita ghe mae Aduru. Phiamare ugra sasa ka nodi fangna na.

Matiu 7:24

Mae Jisas ne cheke eghu, “Eghume, mae ihei te nomhidi chekegu iara igre nei leghudi teuna, mana ginauna jateula kaisei mae te lalase babana nogna suga na ke tagru glose te saesape ka thina ia eghu.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.