Matiu 16:14 - Buka Blahi Ka Cheke Holo

¹⁴ Mare ne cheke eghu ka mana, “Keha naiknore te chekei na iagho mae Jone Apublahi, eghuteuna keha naiknore te chekei na iagho mae profet Elija. Keha naiknore te chekeni na iagho mae profet Jeremaea, ba kaisei mae ka hatimare mae profet di tifa ra.”

Matiu 16:14 ပူးပေါင်းရင်းမြစ်များ

Nonomho Te Keli Teke Risoi Mae Mak 6:15

Keha naiknore ne cheke eghu, “Mae igne mae Elija.” Kehare ne cheke eghu, “Mae igne kaisei mae ka hatimare mae profet tifa ra.”

Matiu 14:2

Aonu mae Herod ne cheke eghu ka nogna mae glokure, “Mae Jisas gne jame mae Jone Apublahi kela karha kela mei. Naugna tuana te au nolaghi mana te edi kofubobhoi igre.”

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Jone 9:17

Hatimare mae Farasi gre neke fapea ghusna eghu ka mae teke dofu na, “Iagho te chekeni na mae igne ngala te fakelini dofumu na eghu, unha eghu iagho gaoghathomu themu na eigna mae igne?” Mana ne cheke eghu ka mare, “Iara gaoghathogu na mae igne kaisei mae profet.”

Jone 7:12

Kmana naikno ne cheke pouporu eigna mae Jisas. Keha naiknore ne cheke eghu, “Mae igne kaisei mae keli fara puhigna na.” Keha naiknore ne cheke eghu, “Theo, mae igne magnahaghedi naiknore mala leghudi kolho nogna chaghi thegna re.”

Luku 9:8

Eghuteuna keha naiknore ne cheke eghu, “Mae profet Elija ia kela pulo mei.” Eghuteuna, keha naiknore te chekei na, “Kaisei mae ka hatimare mae profet tifa ra kela karha fapulo.”

Nonomho Te Keli Teke Risoi Mae Mak 8:28

Mare ne cheke eghu ka mana, “Keha naiknore te chekei na, iagho mae Jone Apublahi, keha naiknore te chekei na, iagho mae profet Elija, eghuteuna keha naiknore te chekei na iagho kaisei mae profet ka mae tifa ra.”

Matiu 17:10

Thilomare ne ghusna eghu ka mana, “Naugna unha site chekeni mae velepuhigna vetula nogna mae Moses gre mae Elija gne na kulu mei ame mei nga mae Kraes teu gnea?”

Jone 1:21

Mare neke ghusna eghu ka mana, “Eghume mae ihei eghu sagho? Ba, iagho mae Elija?” Mana ne cheke eghu ka mare, “Theo, iara theome mae Elija.” Hatimare neke ghusna fapuloi ka mana, “Ba, iagho mae profet te ofoni teu ghehati gne?” Mae Jone ne cheke eghu ka mare, “Theo, iara theome mae profet tuana.”

Profet Jeremaea 1:1

Igre nogna cheke mae Jeremaea thugna mae Hilkaea. Mana kaisei mae pris ka namono Anatot ka nodi nohi vikegna Benjamin.

Matiu 3:1

Ka narane au teu mae Jisas ka namono Nasaret igre, mae Jone Apublahi mei ne toutonuni Nonomho te Keli na ka namono nagou na ka Provins Judia.

Matiu 16:15

Mae Jisas ne ghusna eghu ka mare, “Nu ghotilo ba? Mae ihei eghu ghau iara ghotilo?”