Matiu 16:1 - Buka Blahi Ka Cheke Holo

¹ Kaisei narane, keha mae Farasi nei keha mae Sadiusi, mare mei mala saosagroni mae Jisas. Aonu mare ne cheke eghu ka mana, “Iagho eni kaisei kofubobhoi. Igne fagaglana te mala laseni ghehati nolaghi teke funu ka God na.”

Matiu 16:1 ပူးပေါင်းရင်းမြစ်များ

Luku 11:16

Keha naiknore magnahaghei te fariuriuni mae Jisas. Aonu mare ne toreni mana mala eni kaisei kofubobhoi mala laseni glahula mei funu ka God tutuani.

Mae Khuru 4:1

Kate cheke teu mae Pita ghe mae Jone ka naiknore, hatimare keha mae pris nei kaisei mae funeidi hatimare mae soldia te mala reireghi gna Sugablahi na, nei keha mae Sadiusi eghu ne mei ka phiamare.

Matiu 16:6

“Filo fakeli ghami ghotilo ia ka nodi isi hatimare mae Farasi nei hatimare mae Sadiusi igre.”

Ululahu Korin 1:22

Tutuani, hatimare mae Jiu magnahaghei filo fagaglana funu ka God, eghuteuna hatimare mae Griki hiro glalase.

Jone 8:6

Mare cheke igre khogla saosagroni kolho mae Jisas, mala cheke jafra mana nu athini mana ka fate eghu kolho. Nu mae Jisas theome cheke ne pogho soru ne rioriso ka thagru glose na, ka geghesu thegna na.

Mae Khuru 5:17

Aonu mae pris biꞌo na nei mae kheragna te gnafare, iheire te au ka kaisei tothoghei mae te kilodi Sadiusi, ne goghotudi fara mae khurure. Naugna kmana naikno magnahaghedi fara mare.

Luku 20:27

Keha mae Sadiusi mei ka mae Jisas. Mae igre theome fatutuani ni karha fapulo na. Hatimare ne ghusna eghu ka mae Jisas,

Luku 20:23

Nu mae Jisas ne kulu lasedi nodi saosagro mae igre ne cheke eghu ka mare,

Luku 10:25

Kaisei fata, kaisei mae velepuhigna vetula nogna mae Moses mei ka mae Jisas ne fariuriu saosagroni mana. Mana ne cheke eghu, “Velepuhi, unha gne nate eni iara te mala tangomana iara te hatini karha fei tifa na?”

Nonomho Te Keli Teke Risoi Mae Mak 12:18

Aonu, keha mae Sadiusi ne mei ka mae Jisas. Mae igre theome fatutuani ni karha fapulo na. Aonu mare ne ghusna eghu ka mana,

Nonomho Te Keli Teke Risoi Mae Mak 12:15

Nu mae Jisas ne laseni unha mae igre te magnahaghei saosagro na. Mana ne cheke eghu ka mare, “Naugna unha site magnahaghei saosagro ghau iara ghotilo gnea? Hata mei sileni na mala filoni iara.”

Nonomho Te Keli Teke Risoi Mae Mak 10:2

Aonu, keha mae Farasi ne mei funu saosagroni mana. Mare ne cheke eghu ka mana, “Ba, snakreni ka noda vetula tahati na si mae te mala koko khetogna na ia?”

Matiu 27:62

Narane tuana, narane mala tarabana eigna narane Sabat. Ka keha narane na hatimare mae pris ulu nei hatimare mae Farasi eghu ne tei ka mae Paelat.

Matiu 23:2

“Mae velepuhi nei mae Farasi teugre, mare au nodi nolaghi te mala ruruthani ka ghotilo gaoghathogna nogna vetula mae Moses.

Matiu 22:23

Ka narane tuanala keha mae Sadiusi ne mei ka mae Jisas. Mae igre theome fatutuani ni karha fapulo na. Mare mei ne ghusna eghu ka mae Jisas,

Matiu 22:18

Nu mae Jisas lasedi mae igre fariu saosagroni kolho mana. Aonu mana ne cheke eghu ka mare, “Ghotilo mae chaichaghi! Naugna unha site fariu saosagro ghau iara ghotilo gnea?

Matiu 22:15

Hatimare mae Farasi ne tei kokoni vido te farirhiu mae Jisas igne. Mare hara phoge mala saosagroni mae Jisas baludi kaisei gusna.

Matiu 19:3

Keha mae Farasi mei ne fariu saosagroni mae Jisas. Mare ne ghusna eghu ka mana, “Ghema, snakreni ka noda vetula tahati na si mae te koko khetogna na ka keha puhi te magnahaghei mana na ia?”

Matiu 15:1

Ke leghugna igne, keha mae Farasi nei keha mae velepuhigna vetula nogna mae Moses eghu ne mei funudi Jerusalem. Mare ne ghusna eghu ka mana,

Matiu 12:14

Ka narane tuana hatimare mae Farasi jifla kosi ne roghe mala faleheni mae Jisas.

Matiu 9:11

Kate filoni igne, keha mae ka hatimare mae Farasi gre ne cheke eghu ka nogna mae fanomho mana re, “Naugna unha si mana te ghamu baludi mae te diꞌa te mala salo takis nei keha naikno te diꞌa teu igrea?”

Matiu 5:20

Te chekeni iara ka ghotilo gognaro na, te jateula nakarhadi hatimare mae velepuhigna vetula nogna mae Moses nei hatimare mae Farasi teu ghotilo te theome keli na, ghotilo ginauna theome nabami te ruma ka naikno te funei frunidi God re.”

Proveb 26:5

Nu iagho tusu lao cheke tughu te nabagna mae te fameomekro na, mala theome ghathoni mana ne au ka mana gaoghatho te keli na teuna.