Matiu 15:8 - Buka Blahi Ka Cheke Holo

⁸ Mana neke cheke eghu: “ ‘Naikno igre fafnakno ghau iara ka chekedi kolho, nu nagnafadire theome namo ka iara.

Matiu 15:8 ပူးပေါင်းရင်းမြစ်များ

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Mae Khuru 8:21

Iagho theome tangomana te loku balumi ghehati ka nogna gloku God gne, naugna nagnafamu iagho na theome doglo ke ulugna God.

Ululahu Pita 3:10

Eigna te chekeni ka grioriso te blahi na, cheke eghu, “Ihei te magnahagheni nakarha te keli nei magnahaghei gleale'a leghu narane teuna, mana thosei cheke diꞌa nei thosei chekeni kaisei chaichaghi eghu.

Proveb 23:26

Thuguo, iagho famane fanomho fakeli ka iara. Leghuni kolho puhigu iara gne.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Profet Jeremaea 12:2

Iagho liliseidi ka nauthoglu igne jateula mae ihei te joꞌu gano ka nagare na te karha kelidi nei ure teura neu. Neuba mare ne famane cheke eimu iagho koba, nu mare theome ghatho tahu nigho iagho kolho.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Matiu 15:7

Ghotilo mae chaichaghi fara! Unha teke chekeni God ka mae profet Isaia eimi ghotilo tifa ia thono tutuani fara.

Nonomho Te Keli Teke Risoi Mae Mak 7:6

Mae Jisas ne cheke eghu ka mare, “Ghotilo mae lase chaichaghi fara! Unha teke chekeni God ka mae profet Isaia teke rioriso mana eimi ghotilo tifa ia thono tutuani fara. Mae Isaia neke rioriso eghu, “ ‘Naikno igre fafnakno ghau iara ka chekedi kolho, nu nagnafadire theome namo ka iara.

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”