Matiu 15:6 - Buka Blahi Ka Cheke Holo

⁶ Ghotilo farirhiuni naikno tuana mala thosei toghodi idogna kmagnare. Eghume, te leghuni ghotilo nomi kastom themi tuana, ghotilo theome ghatho tahuni kolho chekegna God na.

Matiu 15:6 ပူးပေါင်းရင်းမြစ်များ

Ululahu Timoti 5:8

Naugna ihei te theome eni kaisei glepo te mala toghoni vikegna ba tulao tharaknagna thegna na, mana figri tagrunihi nogna fatutuani na. Puhigna mae igne thono diꞌa fara uludi naikno te theome fatutuani ni God.

Profet Jeremaea 8:8

“ ‘Theome doglo te cheke eghu ghotilo na, “Ghehati lalase, naugna ghehati laseni fara nogna vetula Lord na.” Filo si ghotilo! Neubane mae velepuhidi vetula igre, mare chaichaghi kolho ke tuthughu nogna vetula God na.

Nonomho Te Keli Teke Risoi Mae Mak 7:13

Eghume ghotilo farirhiudi naiknore mala leghudi kolho nomi puhi themire, eghuteuna chekegna God na jateula glepo tharu maei eghu kolho ka ghotilo. Kmana nafnata puhi jateula igre eghu te edi koba ghotilo re.”

Nodi Khoje Hatimare Mae Jiu 119:126

Lord God, igne hila nou narane iagho te mala eni iagho unha te magnahaghei na, naugna naikno gre tirodi leghudi nou famane farirhiu iagho re.

Ululahu Timoti 5:16

Jame kaisei gaꞌase ka khiloau gne au thau teke lehe khetodire ka tharaknagna na, te keli na gaꞌase tuana mala toghodi. Ka puhi igne khiloau na tangomana te toghodi keha thau teke lehe khetodire, tulao iheire te au thedi kolho.

Letas Teke Riso Tei Mae Pol Ka Khiloau Rom 3:31

Nu kate nomhini ghotilo cheke igne, thosei cheke eghu ghotilo, “Naugna tahati ne fatutuani ni mae Jisas, tahati na theome leghuni u vetula na. Naugna ka puhi fatutuani gne, puhi vetula gne ginauna hui.” Theo. Vetula na kaisei glepo biꞌo fara. Tuani, kate fatutuani ni mae Jisas na tahati thofno leghuni gaoghathogna nogna vetula mae Moses na.

Profet Hosia 4:6

“Uve, iara ginauna paradi nogu naiknore, naugna naikno igre ne theome filo glani ghau iara te nodi God mare na. Eghuteuna ghotilo mae pris ra, jaola tiromi fanomho nei leghudi eghu nogu farirhiu iara re. Naugna igne, iara theome magnahaghei ghami ghotilo mae pris igre. Eghuteuna iara jaola theome magnahagheidi thumi nalhaꞌu ghotilore te mala nogu mae pris iara na.

Nodi Khoje Hatimare Mae Jiu 119:139

Iara thono diꞌatagu fara kate filodi hatimare mae naoka te tirodi leghudi nou cheke iagho te tutuani fara re.

Matiu 15:5

Nu te chekeni ghotilo na, naikno na tangomanau te cheke eghu ka kmagna ba idogna na, ‘Glepo naba te mala togho ghami ghopa na iara ginauna theome tusu ari ka ghopa. Nu iara na tusu ranghini God.’

Matiu 15:7

Ghotilo mae chaichaghi fara! Unha teke chekeni God ka mae profet Isaia eimi ghotilo tifa ia thono tutuani fara.