Matiu 15:31 - Buka Blahi Ka Cheke Holo

³¹ Aonu, naiknore jaglo nodi fara kate filodi iheire teke iho chekere neke lase cheke, iheire teke blughure neke keli fapulo, iheire teke lehe ghahedire neke nonolo, nei iheire teke dofure neke fifilo fakeli. Aonu mare ne kilo fnaknoni nodi God mae Israel eigna igne.

Matiu 15:31 ပူးပေါင်းရင်းမြစ်များ

Matiu 9:8

Naiknore filoni igne ne jaglo nodi fara balu mhaghu. Mare ne kilo fnaknoni God naugna God ne tusu lao nafnata nolaghi te biꞌo igne ka naiknore.

Luku 18:43

Ka chekegna mae Jisas igne, tathagna mana na ghosei neke fifilo fakeli. Eghuteuna mana ne tei balugna mae Jisas ka nabrou na ne kilo fnaknoni God. Eghuteuna kate filoni naiknore unha te eni mae Jisas igne mare jaola ne kafe cheke fakelini God.

Luku 7:16

Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Matiu 18:8

Jame khamemu ba ghahemu iagho na batu fadiꞌa nigho mala theome fatutuani iagho teuna, kusu koko. Te keli na hata koko vido thinimu te diꞌa tuana, eghuteuna ke leghu na iagho ginauna hata thofno nakarha te theo ka huigna. Igne ke keligna te kafe au teu phei khamemu nei phei ghahemu teu te koko lao nigho mare ka khaꞌaghi te theo ka lehegna na.

Matiu 9:33

Kate brue fajifla mae Jisas naitu teke au ka mana na, mana neke funu facheke. Naiknore filoni igne ne jaglo nodi fara ne cheke eghu, “Icho idomi! Theo kaisei glepo teke filoni tahati jateula igne teku agne Israel tifa na! Igne ngala kaisei glepo ululahu te filoni tahati na!”

Jone 9:24

Hatimare ne fapea kilo meini mae teke dofu tifa na ne cheke eghu ka mana, “Ghema, iagho mei agne mala nhaꞌa cheke ke ulugna God, mala chekeni iagho unha te tutuani na! Ghehati laseni mae te fakelidi phei tathamu iagho gre mana kaisei mae diꞌa fara puhigna na.”

Luku 14:21

“Kate ke pulo mei mae gloku na teke toutonu gobigna lepo igre ka nogna mae funei na, nogna mae funei na ne diꞌatagna fara. Eghuteuna mana ne cheke eghu ka nogna mae gloku na, ‘Ghosei tei ka nabrou biꞌo ba nabrou ikodi gna namono gne, mala hata mei ka gaghamu gne iheire te kuma, iheire te dofu, ba iheire te blughu.’ Aonu, mae gloku na ne leghuni nogna mae funei na.

Luku 14:13

Nu kate ei gaghamu na, iagho tore meidi kolho naikno te kuma, naikno te blughu, naikno te dofu nei keha naikno te diꞌa thinidire.

Nonomho Te Keli Teke Risoi Mae Mak 9:43

Eghuteuna jame khamemu iagho na batu fadiꞌa nigho ka nakhibo, kusu koko. Te keli na te kaisei khame kolho te hata iagho karha fei tifa na. Naugna theome keli te kafe au teu phei khamemure te tei iagho Gehena ka namono mala au papara na, aheva khaꞌaghi te theo ka lehegna.

Nonomho Te Keli Teke Risoi Mae Mak 7:37

Eghuteuna naikno te nomhini thoutonu igne ne jaglo nodi fara, ne cheke eghu, “Icho idomi! Gobigna lepo te edi mana igre thono keli fara! Naikno teke meglire kela nonomho nei naikno teke iho cheke re kela lase cheke.”

Nonomho Te Keli Teke Risoi Mae Mak 2:12

Mae te blughu igne ghosei kegra haghe kate kafe filo teu naiknore. Aonu mana hata nogna khifra na ne jifla ka suga tuana. Kate filoni glepo igne, naiknore thono jaglo nodi fara ne kilo fnaknoni God. Mare ne cheke eghu, “Icho idomi, tifa te mei na tahati neke theome filoni kaisei glepo jateula igne teuna!”

Matiu 21:14

Naikno te dofu nei naikno te blughu teure ne mei ka mae Jisas ka Sugablahi na. Eghuteuna mana ne fakelidi ne gnafa.

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Matiu 8:10

Kate nomhini cheke igne, mae Jisas ne jaglo nogna fara ka mana. Mana figri ne cheke eghu ka naikno teke leghuni mana re, “Icho idomi! Tuani fara, te chekeni iara ka ghotilo na, iara neke theome filodeni kaisei naikno te biꞌo nogna fatutuani na jateula mae igne eghu agne Israel.

Matiu 9:32

Kate jifla phiamare kosi na, keha naiknore tathalei ne mei kaisei mae te iho cheke ka mae Jisas. Mana theome tangomana te cheke na, naugna kaisei naitu au ka mana.

Matiu 15:30

Ka vido tuana, kmana naikno ne mei ka mae Jisas. Mare hata ne mei lilisei soru ke ulugna mana naikno te lehe ghahedi, naikno te dofu, naikno te blughu, naikno te iho cheke nei iheire langau te au kmana nafnata khabru. Mae Jisas kafe fakarhidi ne gnafa.