Matiu 15:22 - Buka Blahi Ka Cheke Holo

²² Kaisei naikno biꞌogna Kenan te mei au ka nohi tuana mei ne eha eghu ka mae Jisas, “Lord, vikegna mae King Devet! Kokhoni ghau iara! Thugu gaꞌase iara na kaisei naitu ne parani fara.”

Matiu 15:22 ပူးပေါင်းရင်းမြစ်များ

Matiu 9:27

Kate jifla mae Jisas ka vido tuana, phei mae te dofu ne funu leghuni mana ne eha eghu ka mana, “Iagho vikegna mae King Devet, kokhoni ghami ghepa!”

Matiu 17:15

Mana ne cheke eghu, “Lord, toghoni mae thugu nalhaꞌu iara gne! Mana au tagna khabru snosnogho ne thono au papara fara. Eghuteuna mana uka soru koba ke lamna khaꞌaghi ba ke lamna khoꞌu.

Nodi Khoje Hatimare Mae Jiu 4:1

God, iara laseni puhimu iagho na, eigna iagho edi koba unha te keli re. Iara jaola lase nigho te taji ghau nei bara fothi ghau teuna. Eghume, kate au iara ka hoholo te kilo ari ka iagho na, iagho kokhoni ghau nei togho ghau eghu iara! Gognarona iagho kokhoni mei ghau iara nei nomhidi eghu nogu tharai gre.

Luku 18:13

“Nu mae mala salo takis gne kegra neu delei. Kate tarai na mana tirogna filo haghe kligna. Mana ne tutini babangogna na, naugna mana ne diꞌanagnafadi fara nakhibognare ne tarai eghu, ‘God kokhoni ghau iara, mae te diꞌa gne.’ ”

Luku 17:13

Nu mare ne eha fabiꞌo ka mae Jisas, “Jisas, mae funei! Kokhoni ghami ghehati!”

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Matiu 1:1

Igne buka thoutonu eigna mae Jisas Kraes, vikegna mae Devet, nei vikegna mae Ebraham.

Profet Esikiel 3:6

Jame kuru tei nigho iara ka kantri te theome lasedi iagho nodi chekere meuna, mare ginauna tangomana te fanomho ka iagho na!

Nodi Khoje Hatimare Mae Jiu 45:12

Naiknodi ka namono Taea ginauna atha mei namha ka iagho. Eghuteuna mae te dedeire ginauna na jaola fariuriu nigho iagho mala magnahaghei nigho.

Nodi Khoje Hatimare Mae Jiu 6:2

Lord, iara gne la glaꞌe fara hi, eigna nogu nanhetare la gnafahi. Kokhoni ghau fara, ke faheta fapulo ghau.

Matiu 15:23

Mae Jisas ne theome cheke ka naꞌa. Nogna mae fanomhore mei ne cheke eghu ka mana, “Ghema, chekeni sagho naikno biꞌo tuana mala tei delei! Naugna naꞌa leghu ghita ne eha fabrahu.”

Luku 6:18

Mare ne kafe mei mala fanomho ka mae Jisas, eghuteuna mare mei fakelidi mana khabru te au ka thinidire. Mae Jisas neke fakelidi nei jaola fakelidi naikno te au naitu.