Matiu 15:14 - Buka Blahi Ka Cheke Holo

¹⁴ Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Matiu 15:14 ပူးပေါင်းရင်းမြစ်များ

Luku 6:39

Aonu mae Jisas ne chekeni cheke naba igne ka hatimare. “Ba, mae te dofu na tangomana ngau site batui keha mae te dofu la na ia? Theo fara. Te eghu mana na, phiamare ginauna tei snoꞌo ka khora.

Profet Isaia 56:10

Nodi lida mae Israel igre jateula mae sekiuriti te dofu nei iho teura eghu, naugna mare theome kulu chekedi nogu naikno iara re. Mare theome laseni kaisei glepo. Mare jateula khuma te fnotho foflogna na te theome eha kate mei mae te blau ra eghu. Mare jateula mae te thuru teura eghu kolho. Mare kelitadi kolho te mala koꞌu na.

Profet Malakai 2:8

Nu ghotilo mae pris gre la theome leghunihi puhi te doglo. Eghuteuna gobigna lepo te farirhiu ghotilo ka naiknore, batudi kmana mala jafra. Ghotilo huhughuni hi nhaꞌa cheke teke eni iara balumi ghotilo ka vikegna Livae.

Profet Isaia 9:16

Mae igre batudi naiknore ka puhi te theome doglo.

Fapea Pita 2:1

Tifa na kmana mae profet chaichaghi farihotei naiknodi Israel. Eghuteuna hatimare mae velepuhi chaichaghire ginauna jaola kegra haghe farihoteimi ghotilo. Mare ginauna farirhiu chaichaghi ghami ghotilo nu theo kaisei naikno ghosei te filo glanini u najafra te eni mare na. Eghuteuna mare ginauna fariuriu fadiꞌa ghami ghotilo, naugna mae velepuhi igre neke figri tagruni nodi Lord Jisas, mae ihei teke fakarhidi ka nakhibo. Eghume God ginauna ghosei roꞌedi mare naugna mare neke leghuni nodi puhi thedire.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Isaia 42:19

Theo kaisei naikno te dofu fara jateula nogu mae gloku iara Israel teuna, eghuteuna theo kaisei naikno te megli fara jateula nogu mae mala hata nonomho iara igne teuna. Theo kaisei naikno te dofu fara jateula ghotilo nogu mae gloku iara te fofodu balugu iara igre teuna.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Fapea Pita 2:17

Mae velepuhi chaichaghi igre jateula glokha te moja te theo khoꞌu ia eghu. Mare jateula khoveo te pala tafri ka nuri blahi ia eghu. God kulu tarabanahi kaisei vido te romno fara maladi mare.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Profet Hosia 4:17

Ghotilo vahini te mala tarai ka mumuju na. Eghume, iara lisa lao ghami ghotilo mala leghudi nomi gaoghatho themire!

Profet Jeremaea 8:12

Ba, mare mamaja nodi fara te edi puhi te diꞌa tuare? Theo fara. Mare theome mamaja nodi kolho nafnata puhi igne. Naugna igne, iara ginauna goigoni fahuidi mae igre mala kafe lehe mare jateula mae iheire tela lehehi ra eghu. Igne nogu cheke iara Lord.

Profet Jeremaea 6:15

Ba, mae Israel gre mamajadi si puhi te diꞌa te edi mare igrea? Thono theo fara! Mare theome laseni te mamaja na. Naugna igne, iara ginauna paradi naikno igre eidi puhi te diꞌa te edi mare igre, eghuteuna mare ginauna na kafe lehe, jateula iheire tela lehehi tifara eghu.” Igne chekegna Lord.

Profet Isaia 31:3

Naiknodi Ijep igre theome god, nu mare naikno kolho. Eghuteuna nodi hose re glepo tautagu kolho, reꞌe jaola tangomana te lehe na. Ka narane te fakakhana Lord nogna nolaghi na, mana ginauna goigonidi naiknodi Ijep ka magra. Mana ginauna jaola goigonidi iheire te rouronu kolho ka naiknodi Ijep.

Jone 9:39

Mae Jisas ne cheke eghu, “Iara mei ka nauthoglu igne mala fatakle nakhibodi naiknore. Nu tathadi naikno teke dofure ke fifilo, eghuteuna naikno ne fifilohi thedi teure nake dofu.”