Matiu 14:9 - Buka Blahi Ka Cheke Holo

⁹ Mae King ne diꞌanagnafa fara. Nu mana neke nhaꞌa cheke ka naꞌa mala tusu ranghini unha te magnahagheni naꞌa na. Mana eni igne ke uludi mae tothoghei nafnakno teke ghamu balugna re, eghuteuna mare nomhinihi nogna nhaꞌa cheke mae Herod na. Aonu mae Herod cheke ka mae glokure mala eni unha te magnahagheni naꞌa na.

Matiu 14:9 ပူးပေါင်းရင်းမြစ်များ

Luku 13:32

Mae Jisas ne cheke eghu ka mare, “Tei si ghotilo cheke eghu ka mae Herod mae ihei te lase saosagro fara jateula khuma fakaukathu teu tuana! ‘Gognaro ba nathuꞌu iara na bruedi naiture eghuteuna nake fakarha fapulodi naikno te fogra re. Eghuteuna ka fatilo narane na, iara ginauna na gnafa ka nogu gloku na.’

Nonomho Te Keli Teke Risoi Mae Mak 6:26

Mae king ne thono diꞌanagnafa fara. Mana theome magnahaghei teke fatheꞌoni nogna nhaꞌa cheke teke eni ka thugna gaꞌase na. Naugna mana neke nhaꞌa chekehi ka naꞌa ke uludi hatimare mae kheragna nafnaknore.

Nonomho Te Keli Teke Risoi Mae Mak 6:20

Mae Herod mhaghu fara te faleheni mae Jone na, naugna mana laseni mae Jone gne kaisei mae keli nei mae blahi eghu. Eghume mae Herod ne famane reireghi fakelini mae Jone. Mae Herod keli tagna te fanomho ka nogna farirhiu mae Jone re neubane fadiꞌani kau cheke te edi mana re.

Nonomho Te Keli Teke Risoi Mae Mak 6:14

Mae King Herod nomhidi kmana thoutonu eigna mae Jisas, naugna mana gognarona fnakno fara heva te heva na. Keha naiknore ne cheke eghu, “Mae igne mae Jone Apublahi. Mana kela karha fapulo! Naugna tuana te au nolaghi mana te edi kofubobhoi igre.”

Matiu 14:1

Ka narane te King Herod Antipas ka Provins Galili, mana nomhidi kmana thoutonu eigna mae Jisas.

Eklesiasti 5:2

Iagho kulu ghaoghatho fakeli, ame tangomana nga iagho te kegra haghe te chekeni kaisei glepo na. Iagho thosei nananga te mala nhaꞌa cheke ka God na. Naugna God na au kligna, eghuteuna iagho au ka nauthoglu igne, eghume iagho thosei cheke me brahu.

Ululahu Samuel 28:10

Mae Sol ne cheke eghu ka naꞌa, “Thosei mhaghu! Iara nhaꞌa cheke ka nanghagna Lord mae ihei te karha te tifa, theome tangomana kaisei naikno nate para nigho iagho eigna glepo igne.”

Ululahu Samuel 25:22

Igne nogu cheke iara na. Iara ginauna aknu falehe gnafa mae biꞌo nei mae majaghani teu te au ka namonogna mae Nabal. Iara toreni Lord mala falehe ghau iara jame kafe karha teu keha te ghilei hamerane na!”

Ululahu Samuel 14:28

Aonu kaisei mae ka mae soldia igre ne cheke eghu ka mana, “Grofo igne la faglaꞌe soru ghami ghehati, nu mae kmamu iagho gne lhoti ghami ghehati te ghamu na. Mana neke eni kaisei tabu, neke cheke eghu, ‘Jame ihei te ghamu gognarogne, mana mala lehe!’ ”

Ululahu Samuel 14:24

Aonu, soldia di Israel igre ne glaꞌe soru naugna mare ne thono rofo fara. Mare theome ghamu, naugna mae Sol neke cheke farheta eghu ka mare, “Blahi kaisei mae te ghamu na ghilei blulu naprai na. Ulu lahu na tahati mala kulu aknu falehe ghu noda naoka igre mala ke tughu fapulo puhi biꞌo teke edi mare ra. Jame ihei te huhughuni unha te blahi na, mana mala lehe!” Naugna igne, theo kaisei mae ka mare te ghamu na narane igne.

Jajis 21:1

Kani teke khapru mae Israel igre Mispa na, mare ne eni kaisei nhaꞌa cheke eghu, “Ghehati theome snakredi thumi gaꞌase re mala tolaghi ka vikegna Benjamin.”

Jajis 11:39

Ke leghugna te gnafa phei nhigra igre, naꞌa neke pulo ka kmagna na. Mana ne eni unha teke nhaꞌa chekeni ka Lord. Aonu gaꞌase igne ne theome tolaghi nei au thugna neu ne ghilei lehe.

Profet Jeremaea 44:25

Lord mae ihei te au nolaghi fateote'o, nodi God mae Israel igne ne cheke eghu: ‘Ghotilo te gnafa baludi khetomi ra, ghotilo neke nhaꞌa cheke ka Kuin gna Kligna mala gahu insens, tofa waen nei tarai eghu ka naꞌa.’ “Tutuani fara, ghotilo mala thofno tathaji nhaꞌa cheke igne!

Matiu 14:8

Aonu Herodias ne cheke ka thugna gaꞌase na unha te mala toreni ka King Herod. Thugna Herodias igne ne cheke eghu ka mae Herod, “Iara magnahagheni pha'ugna mae Jone Apublahi kau tapera ao gognaro la.”

Matiu 14:10

Mana kurudi mare mala tei ka suga sosolo na, mala kukusu pha'ugna mae Jone.