Matiu 14:27 - Buka Blahi Ka Cheke Holo

²⁷ Mae Jisas ghosei ne cheke eghu mei ka mare, “Thosei nanga nomi! Iara mae Jisas! Thosei mhaghu!”

Matiu 14:27 ပူးပေါင်းရင်းမြစ်များ

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Profet Isaia 41:4

Ihei teke edi teke thoke mei glepo igre? Ihei teke ghathodi glepo igre tifa kani teke vuavuhagna nauthoglu igne? Iara Lord neke kulu auhi neke vuavuha nga gobigna lepo igre, eghuteuna iara ginauna au ka narane nate ari te gnafadi gobigna lepo fateote'o igre.”

Jone 6:20

Nu mae Jisas ne cheke eghu mei ka mare, “Tore, thosei mhaghu! Iara mae Jisas!”

Matiu 17:7

Mae Jisas mei ne habo ka thilomare ne cheke eghu ranghidi, “Kegra haghe, thosei mhaghu.”

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Profet Isaia 51:12

Lord ne cheke eghu ka nogna naiknore, “Kaisei iara ngala te kokhoni ghami nei farheta ghami teu ghotilo na. Eghume naugna unha si ghotilo te mhaghudi naikno grea? Naikno tuare ginauna ghosei lehe dofidi jateula buburu te theome au raugha ra eghu kolho.

Luku 1:30

Nu engel na neke cheke eghu ka naꞌa, “Meri, thosei mhaghu eigna cheke igne. Naugna God na thono keli tagna fara ka iagho.

Luku 1:13

Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Matiu 28:10

Mae Jisas ne cheke eghu ka repa, “Thosei mhaghu! Tei cheke ka nogu mae fanomho iara ra mala tei Galili, eghuteuna mare ginauna filo ghau iara jare.”

Luku 2:10

Engel na ne cheke eghu ka mare, “Thosei mhaghu! Naugna iara hata mei keha nonomho te keli ka ghotilo. Naikno te gnafare ginauna na keli tadi fara ka nonomho igne.

Profet Isaia 41:14

Neuba ghotilo mae Israel gre ne glaꞌe fara, ghotilo thosei mhaghu, naugna iara ginauna togho ghami ghotilo.” Igne chekegna Lord nodi thofno God te Blahi mae Israel mae ihei te fakarhi ghami ghotilo.

Matiu 14:28

Mae Pita ne cheke eghu ka mae Jisas, “Lord, te iagho tutuani na, cheke ghau iara mala ari ka iagho ke tagru kholo!”

Matiu 28:5

Engel na ne cheke eghu ka phei gaꞌase re, “Thosei mhaghu. Iara lase ghami ghopa hironi mae Jisas, mae ihei teke tupijuru mare ka gaju fafatha ia.

Nonomho Te Keli Teke Risoi Mae Mak 6:50

Naugna mare kafe filoni mana ne mhaghu nodi fara. Mana ghosei ne cheke eghu ka mare, “Thosei nanga nomi! Iara mae Jisas! Thosei mhaghu!”

Luku 5:10

Phia thugna mae Sebedi, mae Jemes ghe mae Jone, te loku balugna mana re jaola ne jaglo nodi fara. Mae Jisas ne cheke eghu ka mae Simon, “Simon, thosei mhaghu, funu gognaro iara na falalase ka iagho te mala salo mei naikno ka iara na.”

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.