Matiu 13:6 - Buka Blahi Ka Cheke Holo

⁶ Nu kate brana naprai na sisire ne kafe brango ne kafe lehe, naugna glathidire ne theome soru pari.

Matiu 13:6 ပူးပေါင်းရင်းမြစ်များ

Matiu 13:21

Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Luku 8:13

Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.

Profet Isaia 49:10

Mare ginauna na theome ke rofo, ba roi koꞌu. Eghuteuna nabranagna naprai nei nuri teu igre ginauna theome goigonidi. Naugna iara ne kokhoni nogudi, iara ginauna batudi mala tei ka vido aheva te au khoꞌu te keli.

Thakle 7:16

Mare ginauna theome tangomana te rofo nei theome tangomana te roi koꞌu. Eghuteuna nabranagna naprai na nei nabranadi keha glepore eghu ginauna theome tangomana nate goigonidi mare na.

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.

Matiu 13:5

Keha sisire ne soru ka glose te theome thuta, naugna ne au ke kligna thina biꞌo. Sisi igre ghosei ne kotu jare, naugna glose na ne theome tei pari.

Matiu 13:7

Keha sisire ne khoko soru ka vido aheva te au kmana glathi buburu te fachuchuru. Glathidi buburu te fachuchuru igre ne kafe gri haghe ne thafru sophore. Sophore ne theome kotu ne theo sisidi.

Nonomho Te Keli Teke Risoi Mae Mak 4:6

Nu kate brana naprai na sisire ne kafe brango. Sisire ne lehe naugna glathidire ne theome soru pari.