Matiu 13:57 - Buka Blahi Ka Cheke Holo

⁵⁷ Aonu naiknore ne filo faparini kolho mana. Mae Jisas ne cheke eghu ka mare, “Kmana naikno heva te heva na ghatho tahuni nogna mae profet God na. Nu iheire te au ka namonogna nei vikegna teu thegna mana re tirodi ghatho tahuni mana.”

Matiu 13:57 ပူးပေါင်းရင်းမြစ်များ

Jone 4:44

Naugna mae Jisas neke kulu cheke eghu agne, “Mae ihei te profet na, kheragna mana re na theome ghatho tahuni mana.”

Matiu 11:6

Eghume, ihei te maku fabrahu ka iara nogna fatutuani na, mana ginauna gleale'a fara.”

Luku 4:24

Mae Jisas ne cheke eghu, “Tutuani fara te chekeni iara ka ghotilo na, naiknogna namono thegna mae profet na tirodi fatutuani ni mana.

Jone 6:61

Neubane theome nomhidi ngau, mae Jisas lasenihi te buiburi mare eigna u farirhiu igne. Aonu mana ne cheke eghu ka mare, “Ba, ka farirhiu igne nu la tiromi leghu ghau la iara eghu si ghotilo ia?

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Jone 6:42

Mare ne cheke eghu fari thedi, “Mae igne mae Jisas kolho. Tahati kafe lasedi kmagna nei idogna teure. Mana thugna mae Josep kolho. Naugna unha site chekeni mana ‘Iara neke mei funu kligna’ teu gnea?”

Luku 7:23

Eghume, ihei te maku fabrahu ka iara nogna fatutuani na, mana ginauna na gleale'a fara.”

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Profet Isaia 8:14

Iara jateula nomi vido keli mala poru eghu ghotilo tagna. Nu iara ginauna jateula kaisei thina biꞌo eghu ka phei vikedi Israel ghe Juda igre mala tothokei ghahedire mala uka mare pari. Iara ginauna na jaola jateula kaisei phighoro eghu mala fakhaledi mare. Eghuteuna kmana naiknodi Jerusalem ginauna uka tagna.

Nonomho Te Keli Teke Risoi Mae Mak 6:14

Mae King Herod nomhidi kmana thoutonu eigna mae Jisas, naugna mana gognarona fnakno fara heva te heva na. Keha naiknore ne cheke eghu, “Mae igne mae Jone Apublahi. Mana kela karha fapulo! Naugna tuana te au nolaghi mana te edi kofubobhoi igre.”

Nonomho Te Keli Teke Risoi Mae Mak 6:3

Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Matiu 13:58

Naiknodi Nasaret gre ne tirodi fatutuani ni mae Jisas. Naugna igne mae Jisas ne theome edi kmana kofubobhoi jare.

Nonomho Te Keli Teke Risoi Mae Mak 6:1

Mae Jisas jifla jare neke pulo ka thofno namonogna na baludi nogna mae fanomhore.

Nonomho Te Keli Teke Risoi Mae Mak 6:4

Mae Jisas ne cheke eghu ka mare, “Kmana naikno heva te heva na ghatho tahuni nogna mae profet God na. Nu iheire te au ka namonogna nei vikegna teu thegna mana re tirodi ghatho tahuni mana.”