Matiu 13:54 - Buka Blahi Ka Cheke Holo

⁵⁴ Mana neke pulo ka thofno nogna namono teke biꞌo haghe na. Mana ne farirhiudi naiknore ka nodi suga tharai mae Jiure. Eghuteuna mare jaglo nodi fara ka mana ne cheke eghu fari thedi, “Icho idomi, neke hata aheva si mana glalase nei nolaghi eghu te edi kofubobhoi igrea?

Matiu 13:54 ပူးပေါင်းရင်းမြစ်များ

Matiu 7:28

Kate gnafa mae Jisas chekedi glepo igre, naiknore ne jaglo nodi fara ka nogna nafnata farirhiu te edi mana igre.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Nodi Khoje Hatimare Mae Jiu 22:22

Gognaro na iara ginauna toutonu ka mae kheragure eidi glepo teke edi iagho ra. Iara ginauna na cheke fakeli nigho ke uludi mare.

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Jone 1:11

Mana mei au ka nogna namono thegna na. Nu nogna naikno thegna mana re theome keli tadi ngala ka mana.

Ululahu Samuel 10:11

Nu kate filoni mae iheire te laseni mae Sol unha te edi mana igre, mare ne cheke eghu, “Ei! Thugna mae Kis ia si ignea? Ba? Mae Sol gne kaisei mae profet langau signea?”

Luku 2:47

Mae te kafe fanomho ka mana re ne jaglo nodi fara ka nogna glalase nei ka nogna cheke tughu eghu te edi mana re.