Matiu 13:52 - Buka Blahi Ka Cheke Holo

⁵² Aonu mae Jisas neke cheke eghu ka mare, “Hatimare mae velepuhigna vetula nogna mae Moses gre au fari hoteidi naikno God te funei frunidire. Mare jateula mae khoto suga te hata fajifla glepo te majaghani ba glepo te tiatifa ka nogna chogho te au nogna glepo te keli ra eghu.”

Matiu 13:52 ပူးပေါင်းရင်းမြစ်များ

Taetus 1:9

Glepo leghu lahu na, mana mala thofno fatutuani fara nei loku famaku eghu kau Nonomho te Keli eigna mae Jisas Kraes te farirhiuni tahati gne. Te eghu na, mana na tangomana te farirhiudi naikno khiloau re eigna u thofno farirhiu te tutuani igne. Eghume naikno khiloau re na au nodi gaoghatho nheta te mala leghuni u farirhiu te tutuani na. Mana jaola mala fatakledi unha glepo te jafra re ranghidi naikno te tirodi leghuni u farirhiu tutuani na.

Matiu 12:35

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Esra 7:21

“Iara King Atasekses, iara cheke faheta cheke igre ka nogu mae biꞌo iara te fiofilodi sileni gna provins ke mosu Khoꞌu biꞌo Iufretis. Unha Pris Esra mae velepuhi gna Vetula nogna God gna Kligna igne mei te tore gobigna lepo igre ka ghotilo na, ghotilo mala faghosei tusu lao glepo igre ka mana.

Esra 7:10

Lord ne toghodi naiknodi Israel, naugna Esra neke loku heta fara kate hiro posidi nei leghudi teu nogna Vetula Lord. Eghuteuna mana neke farirhiudi naiknodi Israel igre u vetula nei cheke teu te au ka buka vetula na igre.

Luku 11:49

Naugna igne, ka nogna glalase na, God ne cheke eghu, ‘Iara ginauna na kuru teidi nogu mae profet nei nogu mae mala hata nonomhore eghu ka naiknore. Eghuteuna mare ginauna na falelehe kehare nei fakokhoanadi kehare.’

Matiu 23:34

Eghume te chekeni iara ka ghotilo na. Iara ginauna kuru meidi ka ghotilo hatimare mae profet nei hatimare mae glalase nei hatimare mae velepuhi. Ghotilo ginauna falehedi keha naiknore. Ghotilo ginauna na tupijuru kehare kau gaju fafatha. Ghotilo ginauna puphuri kehare ke lamnadi nomi suga tharai re. Ghotilo ginauna ngolhi tafridi leuleghu namono.

Proveb 18:4

Nogna cheke mae te lalase na fodu ka gaoghatho te keli, nogna cheke mana igre jateula glokha khoꞌu ra eghu.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Kolose 1:7

Ghotilo neke laseni eigna nogna khokofakasai God na ka mae kherada Epafra. Gognaro na mana loku balumi ghehati, eghuteuna mana kaisei nogna mae gloku keli fara mae Kraes malada tahati.

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Famane Khoje 7:13

Ka vido ignela, iagho ginauna tangomana te gnanghodi sisi mandrek te siri famane fara, eghuteuna reꞌe ginauna famane sisi mala ghamu eghuteuna famane sisi igre au faligoho ghita tapa. Kheraguo, iara neke tathaji malagu thegu fabrahu malamu iagho.

Proveb 11:30

Puhigna mae te keli na, fakakhana nakarha te keli na. Eghuteuna ihei te autagna gaoghatho te keli na, toghodi keha naiknore mala athini karha na.

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Efesus 3:4

jame iu'iju fakeli ghotilo unha te risoni iara na meuna, ghotilo ginauna laseni unha te laseni iara eigna Kraes teke theome laseni tifa igne.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.

Matiu 13:51

Mae Jisas ne ghusna eghu ka nogna mae fanomhore, “Ba, ghotilo laseni eigna nakarha te funei frunini God teke farirhiu ghami iara igne?” Hatimare ne cheke eghu ka mana, “Uve, ghehati laseni.”

Matiu 13:53

Kate toutonu te gnafa cheke naba igre, mae Jisas ne tei kokoni vido tuana.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.