Matiu 13:47 - Buka Blahi Ka Cheke Holo

⁴⁷ “Jaola, kate funei frunidi God nogna naiknore jateula mae te ugra sasa ka fangna ia eghu. Kmana nafnata sasa khale ka fangna tuana.

Matiu 13:47 ပူးပေါင်းရင်းမြစ်များ

Jone 15:6

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Thakle 3:1

Mae igne neke cheke eghu, “Iagho rioriso tei kaisei letas ranghini engel ka khiloau Sadis, eghuteuna iagho cheke eghu: Igne nogu cheke iara mae ihei te au fitu tharunga te keli nogna God, baludi fitu nathunure. Iara lase ghamihi ghotilo, neuba naiknore ne chekeni ne karha neu ngala ghotilo teuna, iara lase ghami ghotilo gognaro na jateu tela lehehira eghu.

Nonomho Te Keli Teke Risoi Mae Mak 1:17

Mae Jisas ne cheke eghu ka phiamare, “Mei ke leghugu. Iara na falalase ka ghopa te mala salo mei naikno ka iara na.”

Galesia 2:4

Ghehati neke cheke eigna puhi igne naugna keha mae thabusignare chaichaghi neke poru neke ruma mei ka noda tothoghei tahati gne. Eghuteuna mare magnahaghei te ruma mei mala filoni eigna noda naꞌau nasnagla tahati balugna mae Jisas Kraes. Mare magnahaghe ghita tahati te mala au jateula naikno sneka eghu ka nogna vetula mae Moses kolho.

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.

Mae Khuru 20:30

Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Luku 5:10

Phia thugna mae Sebedi, mae Jemes ghe mae Jone, te loku balugna mana re jaola ne jaglo nodi fara. Mae Jisas ne cheke eghu ka mae Simon, “Simon, thosei mhaghu, funu gognaro iara na falalase ka iagho te mala salo mei naikno ka iara na.”

Matiu 4:19

Mae Jisas ne cheke eghu ka phiamare, “Mei ke leghugu. Iara na falalase ka ghopa te mala salo mei naikno ka iara na.”

Ululahu Korin 11:19

Uve, keli ka ghotilo te fnota ka phei tothoghei ka khiloau na mala laseni ihei te thofno leghuni cheke te tutuani na. Phei tothoghei igre theome nodi tothoghei mae te dedei nei mae te khuma eghu nu nodi tothoghei iheire te thofno nomhini chekegna God na ba iheire te tirodi nomhini chekegna mana na.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Profet Esikiel 47:10

Vido te gnafa Israel, funu ka glokha khoꞌu En-Gedi tei posa ka glokha khoꞌu En-Eglaem, naiknore ginauna ugra korho haghe sasa ka nusu na, eghuteuna lilisei nodi fangna re ka nusu na mala moja. Ka vido igne ginauna au kmana nafnata sasa tagna jateula Thongna Mediterenian eghu.

Matiu 13:44

Mae Jisas jaola ne cheke eghu, “Kate funei frunidi God nogna naiknore jateula kaisei glepo te keli fara teke pophoru kaisei mae ke lamna glose ia eghu. Kaisei narane kaisei mae ne filo deni glepo tuana. Aonu mana gleale'a fara! Mana ghosei ne tatafru fapulo glepo te keli tuana ne tei fofoli fahui nogna gobigna lepore, mala foli vido glose tuana.

Matiu 13:46

Kaisei narane mana ne filo deni kaisei buli te famane keli fara. Mana tei ne fofoli fahui nogna gobigna lepore mala foli buli tuana.”

Matiu 13:48

Kate fodu sasa ka fangna na, mae naugra re korho ne longa mata fangna na. Mare gnokro soru ne hohono sasa te kelire ka khara'o. Aonu mare ne koko fadelei sasa te diꞌa re.