Matiu 13:42 - Buka Blahi Ka Cheke Holo

⁴² Engel igre ginauna koko lao nafnata naikno igre ke lamnagna khaꞌaghi biꞌo te brana fara. Mare ginauna papara fara jare balu tanhi nei diꞌanagnafa eghu.

Matiu 13:42 ပူးပေါင်းရင်းမြစ်များ

Matiu 13:50

Engel igre ginauna na koko laodi naikno te diꞌa igre ke lamnagna khaꞌaghi biꞌo te brana fara tuana. Ka vido tuana naiknore ginauna papara fara jare balu tanhi nei diꞌanagnafa fara eghu.”

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Matiu 8:12

Eghuteuna mae Jiu te theome fatutuani gre, God ginauna na chekedi nogna engel re mala koko fajifladi ka namono te romno te theome au thegna mana na. Mare ginauna naꞌau papara jare mala tanhi nei diꞌanagnafa eghu fara.”

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Thakle 14:10

God ginauna parani naikno tuana. Tutuani, naikno tuana ginauna mala ko'uni kapu waen te fodu ka diꞌatagna God na. Waen tuana thono raha fara eghuteuna God ginauna jaola rahani fara kate paradire. Eghuteuna naikno tuana ginauna au papara ka khaꞌaghi te brana fara nei ka thina te ngaja ke uludi hatimare mae engel nei ke ulugna Lam.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Matiu 22:13

“Mae funei na ne cheke eghu ka keha mae glokure, ‘Haru fodu khamegna ghahegna teu mae igne mala koko fakosi ka vido te romno ana. Ka vido tuana naiknore ginauna tanhi nei diꞌanagnafa fara eghu balu khabru biꞌo.’ ”

Profet Daniel 3:6

Nu ihei te theome maimanihini mumuju gol igne na, ghehati ginauna koko laoni naikno tuana ke lamna bokis khaꞌaghi te brana fara na.”

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Luku 13:28

Mae Jisas tudu ne cheke eghu, “Ghotilo ginauna na tanhi nei diꞌanagnafa eghu kate filodi mae Ebraham, nei mae Isak, nei mae Jekop baludi hatimare mae profet tifa ra te kegra teu kau nogna nauthoglu majaghani God. Nu mare ginauna koko fakosi ghami ghotilo.

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Nodi Khoje Hatimare Mae Jiu 21:9

Kate thakle mei iagho na, iagho ginauna na fahuidi jateula gnognofi te nhako fahui ka khaꞌaghira eghudi kolho. Tutuani fara, Lord, iagho diꞌatamudi fara na eni kaisei khaꞌaghi biꞌo mala nako fahuidi.

Thakle 9:2

Kate tothora mana glave te mamhara igne, gagahu biꞌo na ne jifla mei ka glave na jateula gagahu khaꞌaghi te biꞌo fara neu. Eghuteuna gagahu te jifla mei ka glave na igne ne toku tafruni naphaegna naprai na ne romno fara maloa na.

Fapea Samuel 23:7

Phono igne, mana hata naflahi thagho ba goru mala hata tei gnubra ka khaꞌaghi.”