Matiu 13:33 - Buka Blahi Ka Cheke Holo

³³ Mae Jisas neke toutonu ranghidi keha cheke naba na. Mana ne cheke eghu, “Nakarha God te funei frunidi nogna naiknore jateula isi te ngigno kaisei naikno biꞌo balu varadaki glimai kilo flaoa ia eghu. Isi igne na faboboni flaoa na.”

Matiu 13:33 ပူးပေါင်းရင်းမြစ်များ

Galesia 5:9

Ghathoni si ghotilo igne, “Katha isi ngala ka flaoa na te mala fabiꞌodi u bret te gnafare.”

Luku 13:21

Jateula katha isi te hata kaisei naikno biꞌo te ngigno balu varadaki glimai kilo flaoa na ia eghu. Isi tuana nate fabiꞌoni flaoa na.”

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Profet Hosia 6:3

Gognarona tahati mala fariuriu mala lase fakelini Lord nei leghuni mana fabrahu. Tutuani, mana ginauna mei ka tahati jateula naprai te phage haghe hamerane boibongi ra eghu. Eghuteuna mana ginauna mei mala fakelidi nakarhada tahati gre. Mana ginauna na jateula narane te soru mei nakhete te mala faboubothudi glose ra eghu.”

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Jenesis 18:6

Aonu mae Ebraham ghosei ne tei ka Sera ka suga tapuale na ne cheke eghu ka naꞌa, “Faghose, hata glima kilo flaoa mala kuki keha bret.”

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Filipae 1:6

God mae ihei teke fufunu gna u gloku karha na ka nakarhami ghotilo re, mana ginauna eni fabrahu u gloku te keli tuana ghilei gnafa ka narane na teke pulo meigna mae Jisas Kraes. Eghuteuna iara thono fatutuani ni fara igne.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Nonomho Te Keli Teke Risoi Mae Mak 13:20

Jame theome hata kokohi God keha narane meuna, ginauna na theo kaisei naikno te karha na. Nu naugna God ne ghathodi naikno teke vavahi thegna igre ne hata kokohi keha narane.

Matiu 13:24

Mae Jisas ne toutonu ranghidi naiknore keha cheke naba. Mana ne cheke eghu, “Narane God te funei frunidi nogna naiknore jateula kaisei mae te joꞌu sisi te keli te kiloi wit ka nagare naia eghu.

Jajis 6:19

Aonu Gidion tei ne aknu falehe kaisei sua nanigot ne kuki nafnahi na. Mana hata baeg flaoa ne kuki bret te theo isi gna. Mana ne hohono nafnahi igre ka kaisei kharaꞌo, eghuteuna lilisei susupu gna na ka kaisei suspen. Aonu mana hata ne mei gano igre ne tusu lao ka engel ke parigna gaju biꞌo na.

Ululahu Samuel 1:24

Kate biꞌohi sua na, Hana hata ne tei thugna na Saelo ka sugagna Lord, naꞌa hata kaisei sua buluka nalhaꞌugna te thilo finogha gna, katha kilo flaoa, nei kaisei botol waen.

Fapea Samuel 13:6

Aonu mae Amnon leghuni nogna cheke mae Jonadab igne ne fogra chaichaghi ne tei thuru ka sape na. Kate mei king te filoni mana na, mana ne cheke eghu ka king, “Iagho chekeni greghagu iara Tama mala hata mei keha bret ka iara agne mala filoni naꞌa. Eghuteuna naꞌa thegna te mala faghamu ghau iara na.”